दोन कोटी फसवणुक प्रकरण : वाटाघाटीनंतर जोशींच्या भावाविरुध्दचे प्रकरण घेतले मागे

बंगळूर : केंद्रीय मंत्री प्रल्हाद जोशी यांचा भाऊ गोपाळ जोशी, बहीण विजयालक्ष्मी आणि गोपाळ यांचा मुलगा अजय यांच्या विरोधात दोन कोटी रुपयांच्या फसवणुकीची तक्रार दाखल करणाऱ्या सुनीता चव्हाण (वय ४८) यांनी अखेर तडजोडीनंतर दाखल केलेला गुन्हा मागे घेतल्याचे कळते.
धजदचे माजी आमदार देवानंद फुलसिंग चव्हाण यांच्या पत्नी सुनीता चव्हाण (वय ४८) यांनी तक्रारदाराने दाखल केलेला फसवणुकीचा खटला मागे घेतल्याचे सांगितले जाते. यशवंतपूर येथील रहिवासी सुनीता यांनी याबाबत, माहिती दिली आणि केस मागे घेणार असल्याचे सांगितले.
या फसवणुकीप्रकरणी आतापर्यंत तीन जणांना अटक करण्यात आली आहे. तसेच पोलीस आणखी एका आरोपी गोपाळचा शोध घेत असल्याचे गृहमंत्री डॉ. जी. परमेश्वर यांनी सांगितले. सुनीता यांनीही यावर भाष्य केले असून समस्या सुटल्याने कोणालाही अटक करण्यात आली नसल्याचे सांगितले आहे.
प्रल्हाद जोशी चांगले
केंद्रीय मंत्री प्रल्हाद जोशी खूप चांगले आहेत. मला त्यांच्याबद्दल काही तक्रार नाही. माझ्या मनात त्यांच्याबद्दल कोणताही राग नाही. माझी फसवणूक झाल्यामुळेच मी पोलिस ठाण्यात गेलो. आता प्रकरण मिटले आहे. त्यामुळे मी केस मागे घेईन. त्यांना दिलेले पैसे तीन ते चार जणांचे असून ते त्यांच्या बँक खात्यात वर्ग केले जात असल्याचे सुनीता यांनी सांगितले.
पोलिसांचे स्पष्टीकरण
फसवणूक केल्याप्रकरणी बसवेश्वरनगर पोलिसांनी गुरुवारी एफआयआर नोंदवला. तक्रारदाराने तडजोड अर्ज दाखल करून तक्रार मागे घेण्यासाठी न्यायालयात जावे… आम्ही कलम १६४ सीआरपीसी अंतर्गत तिचा जबाब नोंदवू, असे पोलिसांनी सांगितले.