बेळगाव : बेळगाव जिल्ह्यातील मुरगोड पोलीस ठाण्यांतर्गत येणाऱ्या मुगळीहाळ येथे गणेश विसर्जन मिरवणुकीत एका तरुणाचा भोसकून खून करण्यात आला आहे.
अर्जुन गौड (21) असे चाकूने वार केल्याने मृत्यू झालेल्या तरुणाचे नाव आहे. गणेश विसर्जन मिरवणुकीत दोन गटात हाणामारी झाली, यादरम्यान एका व्यक्तीने
अर्जुन गौड याच्या छातीत वार करण्यात आले असता तो गंभीर जखमी झाल्याने त्याचा जागीच मृत्यू झाला.
या प्रकरणी पोलिसांनी उदय भद्रोळी (21), सुभाष सोलन्नवर (21), विठ्ठल मिशी (20) आणि अन्य एका अल्पवयीन मुलासह चार जणांना अटक केली आहे. जुन्या वादातून ही घटना घडली असून पोलीस अधिक तपास करत आहेत.