बेळगाव : बेळगाव येथील अमन नगरमध्ये परिसरात पावसाचे पाणी घरांमध्ये शिरले आणि त्याचदरम्यान घरातच पाय घसरून पडल्याने एका वृद्ध महिलेचा मृत्यू झाला. महबूबी आदम साहेब मकानदार (७९) असे या वृद्ध महिलेचे नाव आहे.
अंत्यसंस्कार करण्यातही मोठी अडचण निर्माण झाली. मृतदेह घेऊन जाण्यासाठीही कुटुंबीयांना मानसिक त्रास सहन करावा लागला. शिवाय, सततच्या पावसामुळे परिसरात नाल्यांचे पाणी तुंबून मोठी समस्या निर्माण झाली आहे. त्यामुळे लोकांना गुडघाभर पाण्यातून मृतदेह घेऊन जाण्यास मोठी अडचण झाली.