इस्कॉनतर्फे श्री रामनवमीचे आयोजन

बेळगाव : येथील आंतरराष्ट्रीय कृष्ण भावनामृत संघ (इस्कॉन)तर्फे शुक्रवार दि. 27 मार्च 2026 रोजी रामनवमी साजरी करण्यात येणार आहे. इस्कॉनच्या श्री श्री राधा गोकुळानंद मंदिर टिळकवाडी येथे होणाऱ्या या कार्यक्रमांतर्गत दिनांक 23 ते 27 मार्च दरम्यान रोज सायंकाळी सात ते साडेआठ वाजेपर्यंत परमपूज्य अनंत कृष्ण गोस्वामी महाराज यांच्याद्वारे रामनवमी कथाकथन होईल तर 27 मार्च रोजी सायंकाळी सहा नंतर कीर्तन अभिषेक महाआरती आणि सर्वांसाठी महाप्रसाद होईल याचा सर्व भक्तांनी लाभ घ्यावा असे आवाहन इस्कॉनतर्फे करण्यात आले आहे.