बेळगाव शहराच्या विविध ठिकाणी दि. 17 व 18 रोजी पाणी पुरवठ्यात व्यत्यय

बेळगाव : शहराला पाणीपुरवठा करणार्‍या हिडकल जलवाहिनीला ठिकठिकाणी गळती लागली आहे. गळतीच्या दुरुस्तीचे काम बुधवार दि. 16 पासून सुरू करण्यात आले आहे. त्यामुळे गुरुवार दि. 17 व 18 रोजी शहरांच्या विविध भागातील पाणी पुरवठा बंद राहणार आहे.
दक्षिण विभागातील मजगाव, नानावाडी, चिंदबरनगर, शहापूर, वडगाव आणि जुनेबेळगाव तर उत्तर विभागातील सह्याद्रीनगर, कुवेंपूनगर, टीव्ही सेंटर, सदाशिवनगर, बसव कॉलनी, कलमेश्वरनगर, सुभाषनगर, अशोकनगर, माळमारुती वसाहत, न्यू गांधीनगर, कणबर्गी, कुडची आदी भागातील पाणीपुरवठ्यात व्यत्यय निर्माण होणार आहे. त्याचप्रमाणे कॅटोन्मेट, हिंडाल्को कारखाना, केआयडीबी औद्योगिक वसाहत, डिफेन्स एरिया, सैनिकनगर, केएलई रुग्णालय, जिल्हा रुग्णालय त्याचप्रमाणे जलवाहिनी घालण्यात आलेल्या परिसरातील गावांचा पाणीपुरवठा बंद ठेवला जाणार आहे. त्यामुळे नागरिकांना सहकार्य करावे, असे आवाहन एलअँडटी कंपनीच्यावतीने करण्यात आले आहे.