Belgaum Varta Belgaum Varta
बेळगाव (वार्ता) : बेळगाव शहरातील नवीन सुपर स्पेशालिटी हॉस्पिटलसाठी कर्मचाऱ्यांची नियुक्ती आणि आवश्यक वैद्यकीय उपकरणे उपलब्ध करून देण्याबाबत लवकरच योग्य ती व्यवस्था करण्यात येईल, असे सार्वजनिक बांधकाम व जिल्हा पालकमंत्री सतीश जारकीहोळी यांनी सांगितले.
शहरातील इन्स्टिट्यूट ऑफ मेडिकल सायन्सेसच्या (बिम्स) कार्यालयाच्या सभागृहात मंगळवारी (ता.१०) आयोजित बैठकीत ते बोलत होते. शैक्षणिक प्रगती, रुग्णालय उभारणीच्या कामासह विविध मुद्द्यांचा आढावा त्यांनी घेतला.
जिल्ह्यात नर्सिंगचे विद्यार्थी जास्त असल्याने शासनस्तरावर आरोग्यमंत्र्यांशी चर्चा करण्यात येणार आहे. जिल्हा रुग्णालयात कर्मचाऱ्यांचा तुटवडा असून, लवकरच त्यांची भरती करण्यासाठी पावले उचलली जातील, असे आश्वासन मंत्र्यांनी दिले.
आवश्यक कर्मचाऱ्यांच्या नियुक्तीसाठी यापूर्वीच शासनाकडे अधिसूचना सादर करण्यात आली आहे. गोवा आणि महाराष्ट्रासारख्या सीमावर्ती राज्यातून रुग्ण उपचारासाठी रुग्णालयात येत आहेत. जिल्हा रुग्णालय, ग्रामीण आरोग्य केंद्र, सामुदायिक आरोग्य केंद्र आदी ठिकाणी कर्मचाऱ्यांची नियुक्ती करूनत्यामुळे तालुका रुग्णालयातून येणाऱ्या रुग्णांवर उपचार करणे सुलभ होणार असल्याचे जिल्हा शल्यचिकित्सक डॉ. आर. व्ही. शिंदे म्हणाले.
अधिकाऱ्यांनी सांगितले की, पंतप्रधान आयुष्यमान भारत अभियानांतर्गत, तात्काळ उपचारांसाठी एमआयसीयू, आयसीयू इत्यादी मूलभूत सुविधांसह ५० खाटांचे अतिदक्षता विभाग सुरू करण्यास मान्यता देण्यात आली आहे आणि कामे सुरू झाली आहेत.
बिम्स आणि जिल्हा रुग्णालयात मिळून १०४० खाटे आहेत. परंतु शस्त्रक्रिया विभाग व माता व बालक विभाग असे मिळून ३ भाग असल्याने रुग्ण व विद्यार्थ्यांना त्रास होत आहे. त्यामुळे रुग्णांसाठी सर्व सुविधा एकाच छताखालीबीआयएमच्या अधिकाऱ्यांनी स्पष्ट केले की ४५० खाटांचे अध्यापन रुग्णालय बांधण्यासाठी मंजुरीसाठी सरकारकडे प्रस्ताव आधीच सादर केला गेला आहे.
१०० खाटांच्या माता व बाल रुग्णालयाच्या बांधकामाला मंजुरी मिळाली असून कामाला सुरुवात झाली आहे. त्याचप्रमाणे एमआरआय, सीटी स्कॅन, एक्स-रे, मायक्रो बायोलॉजी प्रयोगशाळा, बायोकेमिस्ट्री प्रयोगशाळा, पॅथॉलॉजी प्रयोगशाळा, आपत्कालीन उपचार युनिट्ससह सतत 24×7 सेवा पुरवल्या जात आहेत.
सांडपाणी प्रक्रिया केंद्र
इन्स्टिट्यूट ऑफ मेडिकल सायन्सेस येथे पाणी कचरा प्रक्रिया प्रकल्प उभारण्यात आला आहे. युनिटच्या देखभालीची निविदा प्रक्रिया यापूर्वीच पूर्ण झाली असून येत्या काही दिवसांत ती केली जाणार आहे. काम देण्यात येणार असल्याची माहिती बिम्सच्या अधिकाऱ्यांनी दिली.
त्याचप्रमाणे बिम्सच्या अधिकाऱ्यांनी बैठकीत शैक्षणिक उपलब्धी, संशोधन उपक्रम, विशेष उपलब्धी, इमारत काम आणि कर्मचाऱ्यांची कामगिरी याविषयी माहिती दिली.
बैठकीस बेळगाव उत्तर विधानसभा मतदारसंघाचे आमदार आसिफ (राजू) सेठ, जिल्हाधिकारी नितेश पाटील, महानगरपालिकेचे आयुक्त अशोककुमार शेट्टी, स्मार्ट सिटीच्या व्यवस्थापकीय संचालक सय्यदा आफरीन, बानू बेल्लारी आणि बिम्सचे अधिकारी कर्मचारी आणि विविध विभागातील तज्ज्ञ उपस्थित होते.
विविध इमारतींच्या कामांची पाहणी
बैठकीनंतर जिल्हा प्रभारी मंत्री सतीश जारकीहोळी यांनी जिल्हा रुग्णालयातील विविध विभागांच्या नवीन इमारतीच्या कामाची, कॅन्टीन भोजन व्यवस्था, नर्सिंग विद्यार्थ्यांसाठी खोली, रुग्णालयाच्या उद्यानाची देखभाल, औषधांचे वाटप व विविध विभागांच्या वैद्यकीय सुविधांची पाहणी केली.
