सौन्दत्ती श्री रेणुका यल्लम्मा मंदिराचा विकास पारदर्शकपणे होईल : मंत्री एच. के. पाटील

बेळगाव : सौन्दत्ती श्री रेणुका यल्लम्मा मंदिराचा मंदिराचा विकास पारदर्शकपणे केला जाईल. सर्व कामांचा तपशील वेबसाइटवर शेअर केला जाईल. महाप्रसादालयाच्या पायाभरणीचे काम लवकरच पूर्ण होईल, असे पर्यटन मंत्री एच. के. पाटील यांनी सांगितले.

बेळगाव येथील ग्राहक न्यायालयाचे उद्घाटन करण्यासाठी आज त्यांचे बेळगावात आगमन झाले आणि सौन्दत्ती श्री रेणुका यल्लम्मा क्षेत्र विकास प्राधिकरणामार्फत सुरू असलेल्या कामांच्या प्रगतीचा आढावा घेण्यासाठी त्यांनी पत्रकार परिषद घेतली. विकासामुळे निर्माण होणारे किरकोळ कायदेशीर प्रश्न सोडवण्यात बेळगाव जिल्हा प्रशासनाला यश आले आहे. सौन्दत्ती श्री रेणुका यल्लम्मा जत्रेत भाविकांना सुविधा देण्यासाठी जिल्हा प्रशासन पूर्वीपेक्षा अधिक भर देत आहे. तसेच भरत पौर्णिमेला देवीच्या दर्शनासाठी मंदिर समिती सुविधा देण्यासाठी पावले उचलत असल्याचे त्यांनी सांगितले. महाप्रसादालयासाठी डिपीआर तयार करण्यात येत आहे. महिनाभरात या कामाची पायाभरणी होणार आहे. एकूणच सौन्दत्ती श्री रेणुका यल्लम्माक्षेत्राचा विकास तिरुपतीच्या धर्तीवर केला जाईल. 100 दिवसांत पूर्ण करण्याच्या संकल्पनेनुसार कामे सुरू झाल्याचे त्यांनी सांगितले. श्री क्षेत्राच्या विकासाबद्दल विशेष चर्चा करण्यात आली. वसती व्यवस्था, विश्रांती गृह, स्वयंपाक घर, व्यापारी शॉपिंग मॉलसह सर्वाचे तपशील दिले जातील. केंद्र सरकारकडून 100 कोटी रुपये मंजूर झाले आहेत. त्याचबरोबर त्यांच्या प्रयत्नातून 20 कोटी रुपये प्रसाद योजनेसाठी मंजूर झाले आहेत. राज्य सरकारच्या योजनांसाठी आणखी निधीची आवश्यकता आहे. अनेक योजनांचा पीपीपी मॉडेलमध्ये कार्यान्वयन होईल. साफसफाई कार्ये देखील चालू होतील. सर्व कामांची माहिती वेबसाइटवर प्रदर्शित केली जाईल. जनतेकडून सल्ले मिळाल्यास ते स्वीकारले जातील, असे ते म्हणाले.तसेच ऐतिहासिक गोकाक फॉल्सच्या विकासासाठी रोप वे तयार करण्यास मंत्री सतीश जारकीहोळी यांच्यासह इतर लोकांनी गंभीरपणे बैठक घेतली आहे. तज्ज्ञांबरोबर चर्चा करून प्रकल्प तयार करण्याची सूचना देण्यात आली, असे त्यांनी सांगितले आणि भीमगड अभयारण्यात सुमारे 18 किलोमीटर रस्ता जंगल सफारीसाठी दिला जाऊन पर्यटनाला प्रोत्साहन दिले जात आहे. तसेच एआयसीसी अध्यक्ष मल्लिकार्जुन खरगे यांनी आम्हाला सूचना दिल्या असून, मुख्यमंत्री बदलाबाबत प्रतिक्रिया देणार नाही, असे त्यांनी सांगितले. हे त्यांना संबंधित आहे, असेही ते म्हणाले. जिल्हाधिकारी मोहम्मद रोशन, एसपी डॉ. भीमाशंकर गुळेद, गीता कौलगी, सौम्या बापट आणि इतर उपस्थित होते.