महापालिका आयुक्त शुभा बी. यांचा शहरात फेरफटका!

बेळगाव : बेळगाव महानगरपालिकेच्या आयुक्त शुभा बी. यांनी आज सकाळी अचानकपणे महापालिकेच्या विभागीय कार्यालयांना भेटी देऊन कामकाजाची पाहणी केली.
आज त्यांनी शहरात फेरफटका मारत शहरातील गणपत गल्ली येथील नरगुंदकर भावे चौकातील महापालिकेच्या विभागीय कार्यालयाला भेट दिली. यावेळी त्यांनी कर्मचाऱ्यांचे कामकाज आणि उपस्थिती तपासली. त्यानंतर, पायोनियर अर्बन बँकेसमोरील कार्यालयालाही त्यांनी भेट दिली. त्यांनी महापालिकेच्या शववाहिकेची स्थिती पाहिली आणि नागरिकांसाठी चांगल्या सुविधा उपलब्ध करून देण्याचे निर्देश दिले. तसेच, त्यांनी कर्मचाऱ्यांच्या समस्याही ऐकून घेतल्या.