समर्थ नगर येथे महिलेची विहिरीत उडी घेऊन आत्महत्या!

बेळगाव : समर्थ नगर परिसरात आज सकाळी एका महिलेने विहिरीत उडी मारून आत्महत्या केल्याची धक्कादायक घटना घडली आहे. 8 ऑक्टोबर रोजी सकाळी सदर महिला घरातून बाहेर पडली होती. ती घरी परत न आल्यामुळे कुटुंबीयांनी तिची शोधाशोध केली असता विहिरीजवळ चप्पल आढळल्याने स्थानिकांना संशय आला आणि त्यांनी या घटनेची माहिती पोलिसांना दिली. सदर घटनेची माहिती मिळताच पोलीस व एच ई आर एफ रेस्क्यू टीम घटनास्थळी दाखल झाले व त्यांनी तात्काळ बचावकार्य हाती घेत मृतदेह बाहेर काढला. या मोहिमेत बसवराज, पद्मप्रसाद हुळी व राजू यांनी सहभाग घेतला. समाजसेवक अवधूत तुडयेकर यांनी बचावकार्याला मदत केली. दुर्दैवी महिलेची ओळख पटली असून तिच्याबाबत अद्याप सविस्तर माहिती अधिकृतरित्या समोर आलेली नाही. पोलिसांचा पुढील तपास सुरू आहे.