Wednesday , February 28 2024
Breaking News

जवान संतोष कोलेकर यांना अश्रूनयनांनी अखेरचा निरोप

Spread the love

खानापूर (प्रतिनिधी) : नागुर्डा (ता. खानापूर) गावचे सुपुत्र शहिद जवान संतोष कोलेकर यांचे पूणे येथे रेजिमेंटच्या इस्पितळात रविवारी दि. 19 रोजी आकस्मिक निधन झाले.
सोमवारी दि. 20 रोजी पुण्याहून त्यांचा पार्थिवदेह बेळगावला आणण्यात आला. तेथून खानापूर येथील मलप्रभा क्रिडांगणावर आणण्यात आले. यावेळी खानापूर जनतेने दर्शनासाठी एकच गर्दी केली होती. तेथून त्यांच्या मुळ गावी नागुर्डा येथे पार्थिवदेह आणण्यात आला. यावेळी नागुर्डा गावात अंतिमयात्रेसाठी हजारो जनसमुदाय लोटला होता. पार्थिवदेह आणण्यात आलेल्या वाहनाला फुलांनी सजविले होते. भारत माता की जय, संतोष कोलेकर अमर रहे, अशा घोषणा देत नागुर्डा गावातून अंत्ययात्रा निघाली. खानापूर तालुक्यातील हजारो देशप्रेमीच्या डोळ्यातून अश्रू अनावर झाले. यावेळी अंतिम दर्शनासाठी भाजपचे नेते विठ्ठलराव हलगेकर, तहसीलदार रेश्मा तालिकोटी, पोलिस निरीक्षक सुरेश सिंगे तसेच विविध पक्षाचे नेते मंडळी, विविध क्षेत्रातील पदाधिकारी आदीनी उपस्थिती दर्शविली. लष्करी पध्दतीने बंदुकीच्या सात फैरी झाडून अश्रूनयनांनी शेवटचा निरोप दिला.

About Belgaum Varta

Check Also

बेळगाव – चोर्ला – गोवा महामार्ग दुरुस्तीला प्रारंभ

Spread the love  मंत्री सतीश जारकीहोळी यांच्याहस्ते उद्घाटन खानापूर : बेळगाव आणि गोवा यांच्यातील महत्त्वाचा …

Leave a Reply

Your email address will not be published. Required fields are marked *