Belgaum Varta Belgaum Varta
खानापूर : शनिवारपर्यंत सौरऊर्जा सुरळीत न केल्यास हेस्कॉम कार्यालयाला घेराव घालू, असा इशारा खानापुर तालुक्यातील मेंडील येथील ग्रामस्थांनी दिला आहे.
मेंडील गावात गेल्या आठ महिन्यांपासून सौरऊर्जा पुरवठा खंडित, खानापुरा तालुक्यातील मेंडील ग्रामस्थ गेल्या आठ महिन्यांपासून अंधारात जगत आहेत. हेस्कॉम या समस्येचे निराकरण करण्यात अपयशी ठरले आहे. याला कंटाळून मेंडील येथील ग्रामस्थांनी खानापुर हेस्कॉम विभागाच्या कार्यालयाला भेट देऊन शनिवारपर्यंत आपली समस्या सोडवली नाही आणि सौरऊर्जेचा योग्य पुरवठा न केल्यास हेस्कॉम विभागाविरोधात तीव्र संघर्ष करू, असा इशारा दिला. त्याला हेस्कॉमच्या अधिकाऱ्यांनी सकारात्मक प्रतिसाद देत लवकरच समस्या सोडविण्याचे आश्वासन दिले. शिरोली ग्रामपंचायत सदस्य दीपक गावस्कर, नामदेव पाटील, शाबा मलिक, जयराम पाटील, विजय मादार यांच्यासह मेंडील ग्रामस्थांचा सहभाग होता.
