Saturday , July 13 2024
Breaking News

देशात अघोषित आणीबाणीची परिस्थिती नाही : बसवराज बोम्मई

Spread the love

भारतीय संविधान जगात सर्वोत्त

बंगळूर : भगवा पक्ष देशावर अघोषित आणीबाणी लादत असल्याचा आरोप करणाऱ्या विरोधकांवर हल्ला चढवत कर्नाटकचे मुख्यमंत्री बसवराज बोम्मई यांनी देशात अघोषित आणीबीणीची परिस्थिती नसल्याचे सागितले.
१९७५ मध्ये लागू करण्यात आलेली आणीबाणी ‘काळा दिवस’ म्हणून पाळण्यासाठी भाजपने आयोजित केलेल्या कार्यक्रमात ते बोलत होते.
लोक म्हणतात की अघोषित आणीबाणी आहे. परंतु, लोक लहरीपणे बोलू शकतात. ही वस्तुस्थिती हाच पुरावा आहे की आपल्याकडे सर्वोच्च लोकशाही आहे, असे ते म्हणाले. मुख्यमंत्री म्हणाले की, मतभेदाशिवाय लोकशाही नसते. वैयक्तिक स्वातंत्र्य, समानता, बंधुता आणि इतर घटनात्मक आदर्शांचा विपर्यास झाल्यामुळे आणीबाणीने आपल्या लोकशाहीसमोर एक मोठा प्रश्न निर्माण केला होता.
संविधानाला “सर्वात पवित्र” मानून ते म्हणाले की त्यात लोकशाहीचे रक्षण करण्याची शक्ती आहे. आम्ही पाहतो की पाकिस्तानमध्ये लोकशाही चित्रपटाच्या ट्रेलरप्रमाणे येते आणि जाते. बांगलादेश, श्रीलंका आणि नेपाळमध्येही तेच आहे. अमेरिका, ब्रिटन, फ्रान्स, जर्मनी, इटली बघा… १३० कोटी लोकांसह भारत ही सर्वात मजबूत आणि यशस्वी लोकशाही आहे, असे ते म्हणाले.
आणीबाणीपरिस्थितीतील काळ्या दिनानिमित्त येथील फ्रीडमपार्कला भेट दिल्यानंतर बोलताना ते म्हणाले, हे एकमेव ठिकाण आहे जिथे लोकशाही मजबूत होत आहे. भारत हे एकमेव ठिकाण आहे जिथे लोकशाही वाढत आहे.
भारतीय संविधान जगात सर्वोत्तम आहे. आपल्या लोकशाहीचे रक्षण करणारा हा काळानुरूप दस्तऐवज आहे. नुसत्या मतदानाने आपली जबाबदारी पार पडते असे लोकांना वाटू नये. त्यांनी सततच्या समस्यांमध्ये स्वतःला गुंतवून घ्यावे. सहभागामुळे लोकशाहीची खरी जाणीव होते. प्रत्येकाने लोकशाही रक्षणाचे भागीदार व्हावे. ते म्हणाले की, पंतप्रधान नरेंद्र मोदी यांनी मजबूत लोकशाही निर्माण करण्यासाठी कठोर परिश्रम घेतले.
पूर्वी भाषण स्वातंत्र्य नव्हते आणि आता काँग्रेस नेते म्हणतात की देशात अघोषित आणीबाणी आहे. आज लोकांना बोलण्याची, आपले मत मांडण्याची संधी आहे आणि हा लोकशाहीचा पुरावा आहे हे त्यांनी लक्षात घ्यायला हवे.
ईंदिरा गांधी भारताच्या पंतप्रधान असताना त्यांच्या कार्यकाळात आणीबाणी लागू करण्यात आली होती. केंद्र सरकारकडे सर्व अधिकार होते. पण मोदी सरकारमध्ये तशी परिस्थिती नाही. जनधन योजना लागू करून प्रत्येकाचे बँक खाते उघडले. मग स्वच्छ भारत उपक्रम आणि प्रकल्प थेट लोकांपर्यंत पोहोचवले जात आहेत. पेयजल पुरवठा योजना कार्यान्वित करण्यात आली आहे. त्यामुळे लोकशाही बळकट होत आहे.
संविधान मुरडण्याची परिस्थिती निर्माण करणारी आणीबीणी परिस्थिती लोकशाहीला एक आव्हान आहे. आणीबाणीच्या प्रसंगात पुन्हा स्वातंत्र्य लढा पेटला होता. अंधार युगाने भारताला आणखी मजबूत केले. उत्तर भारतातील कैद्यांना बंगळुरच्या तुरुंगात हलवून आणीबाणीच्या स्थितीत कर्नाटकची भूमिका महत्त्वाची होती, असे ते म्हणाले.

About Belgaum Varta

Check Also

महाराज असल्याच्या भावनेतून जनसेवा शक्य नाही

Spread the love  मुख्यमंत्र्यांनी जिल्हाधिकाऱ्यांना दिली ताकीद; डीसी, सीईओंच्या बैठकीत सक्त सूचना बंगळूर : जिल्हाधिकारी …

Leave a Reply

Your email address will not be published. Required fields are marked *