Thursday , May 30 2024
Breaking News

…तर शाळा, महाविद्यालये पुन्हा बंद; शिक्षण मंत्र्यांची माहिती

Spread the love

विद्यार्थ्यांच्या आरोग्याशी तडजोड नाही
बंगळूर : राज्यातील विशेषत: शाळा, महाविद्यालयातील कोविड सकारात्मक प्रकरणामध्ये दिवसेंदिवस वाढ होत आहे. याच पार्श्वभुमीवर आवश्यक वाटल्यास, कर्नाटक सरकार शाळा आणि महाविद्यालये पुन्हा बंद करून ऑनलाईन वर्ग पुन्हा सुरू करण्याचा निर्णय घेईल, असे राज्याचे प्राथमिक आणि माध्यमिक शिक्षण मंत्री बी. सी. नागेश म्हणाले.
सोमवारी, (ता. 6) विधानसौध येथे पत्रकारांशी बोलताना मंत्री म्हणाले की, राज्य सरकार विद्यार्थ्यांच्या आरोग्याशी तडजोड करणार नाही. सध्या कोविड प्रकरणे नियंत्रणात आहेत, निवासी शाळांमध्ये काही क्लस्टर नोंदवले गेले आहेत. त्यामुळे विद्यार्थी किंवा पालकांनी घाबरण्याची गरज नाही. आवश्यक असल्यास, आम्ही विद्यार्थ्यांचे आरोग्य लक्षात घेऊन ऑफलाईन वर्ग बंद करू, असे त्यांनी सांगितले.
तथापि, नियमित ऑफलाईन वर्ग आयोजित करण्यात कोणतीही अडचण नाही, असे तज्ञांचे मत असल्याचे ते म्हणाले. नागेश यांनी पत्रकारांना सांगितले की, परीक्षा आणि शाळा बंद करण्याची गरज भासल्यास आम्ही मागे हटणार नाही. मात्र, सद्यस्थितीत कोणतीही अडचण नाही, असे सर्व तज्ज्ञांचे मत आहे.
शिक्षण मंत्री म्हणाले की, सरकार दर तासाला कोविड-19 परिस्थितीचे बारकाईने निरीक्षण करत आहे. कोणतीही अडचण येऊ नये यासाठी सरकार पर्यायी व्यवस्था करेल. आवश्यक असल्यास आम्ही परीक्षा थांबवू. तथापि, परीक्षेत मानक कार्यप्रणाली अतिशय काटेकोरपणे पाळली जाते कारण आम्ही शारीरिक अंतर राखून बसण्याची व्यवस्था करतो आहोत.
मंत्र्यांनी, लोकांना घाबरू नका कारण त्याचा मुलांच्या शैक्षणिक क्रियाकलापांवर परिणाम होईल असे सांगितले. लोकांनी घाबरून जाण्याची गरज नाही, कारण या वर्षी आम्ही लॉकडाऊनच्या एका वर्षानंतर नियमित शाळा सुरू केल्या आहेत. जर शाळा पुन्हा बंद झाल्या तर मुलांना वर्गात परत आणणे कठीण होईल, असे नागेश म्हणाले.
विद्यार्थ्यांमध्ये कोविडची वाढती प्रकरणे समोर येत असताना हे विधान आले आहे. हुबळी-धारवाडमधील वैद्यकीय महाविद्यालयातील मोठ्या संख्येने विद्यार्थी आणि कर्मचारी कोविड-19 साठी पॉझिटिव्ह आले आहेत. बंगळुरू ग्रामीण, म्हैसूर आणि चिक्कमंगळूर येथील निवासी शाळांमधील विद्यार्थ्यांमध्ये साथीच्या रोगाचा प्रादुर्भाव झाला.
सूत्रांनी सांगितले की, विद्यार्थ्यांच्या वसतिगृहात कोविड-19 चा उद्रेक झाल्याच्या वृत्तानंतर सोमवारी सकाळी बंगळुरमधील एका स्वायत्त महाविद्यालयात विद्यार्थ्यांनी आंदोलन केले.

About Belgaum Varta

Check Also

हलगा-मच्छे बायपास विरोधातील स्थगिती उठवताच जेसीबी दाखल

Spread the love  बेळगाव : हलगा- मच्छे बायपास प्रकरणी शेतकऱ्यांनी सुमारे दीड दशके चालविलेल्या लढ्याची …

Leave a Reply

Your email address will not be published. Required fields are marked *