Belgaum Varta Belgaum Varta
बेळगाव : उचगाव क्रॉस येथील गणेश दूध संकलन केंद्राचा १० वा वर्धापन दिन शनिवारी (ता. १९) दुपारी १२ वाजता होणार आहे. वर्धापन दिनानिमित्त स्नेहमेळावा कार्यक्रम केंद्रात आयोजित केला आहे, अशी माहिती गणेश दूध केंद्राचे संचालक प्रवीण ऊर्फ उमेश देसाई यांनी दिली. गणेश दूध अल्पावधीतच ग्राहकांच्या पसंतीस आले आहे. १० वर्षांत केंद्राने चांगली प्रगती केली आहे. शेतकऱ्यांच्या हिताचे निर्णय घेतल्यामुळे तसेच दुधाला चांगला दर दिल्यामुळे अनेकांच्या पसंतीस गणेश दूध आले आहे. कार्यक्रमाला दूध उत्पादक शेतकरी, वितरक व हितचिंतकांनी उपस्थित राहावे, असे आवाहन केले आहे.
