टिळकवाडी परिसरातील २ लॉजमध्ये चोरी; महिलेला अटक, एक फरार

बेळगाव : टिळकवाडी येथील दोन लॉजमधील चोरी प्रकरणांचा टिळकवाडी पोलिसांनी छडा लावला आहे. यासंबंधी संकेश्वर येथील एका महिलेला अटक करण्यात आली असून 32 लाख 86 हजार रुपये किमतीचे साहित्य जप्त करण्यात आले आहे. आणखी एक आरोपी फरारी असून पोलीस त्याचा शोध घेत आहेत.

दीपा महालिंग अवटगी (वय 33) मूळची राहणार करिसिद्धेश्वर गल्ली, महालिंगपूर, सध्या राहणार एसडीव्हीएस कॉलेजसमोर, संकेश्वर असे अटक करण्यात आलेल्या महिलेचे नाव आहे. तिचा आणखी एक साथीदार शिवानंद ऊर्फ विनोद शंकरय्या मठपती, राहणार शंकरनगर, निपाणी रोड, संकेश्वर हा फरारी झाला आहे. पोलीस त्याचा शोध घेत आहेत.

खडेबाजारचे एसीपी शेखरप्पा एच. यांच्या मार्गदर्शनाखाली टिळकवाडीचे पोलीस निरीक्षक परशुराम पुजेरी, उपनिरीक्षक विश्वनाथ घंटामठ, उपनिरीक्षक प्रभाकर डोळ्ळी, महेश पाटील, एस. एम. करलिंगन्नावर, नागेंद्र तळवार, सतीश गिरी, लाडजीसाब मुल्तानी, गंगव्वा पार्वती, तांत्रिक विभागाचे रमेश अक्की, महादेव काशिद आदींचा समावेश असलेल्या पथकाने ही कारवाई केली आहे