खाणीतील पाण्यात बुडून विद्यार्थ्याचा मृत्यू

बेळगाव : दोन शाळकरी विद्यार्थ्यांपैकी एकाचा खाणीतील पाण्यात बुडून मृत्यू झाल्याची दुर्दैवी घटना जनता कॉलनी सुळगा (उ.) ता. बेळगाव येथे आज सोमवारी दुपारी 2 वाजण्याच्या सुमारास घडली.

घटनेची माहिती मिळताच काकतीचे पोलीस पोलीस निरीक्षक सहकाऱ्यांसह तातडीने घटनास्थळी दाखल झाले. यावेळी अग्निशमन दलालाही पाचारण करण्यात आले. यानंतर पोलीस आणि अग्निशमन दलाच्या अधिकारी व कर्मचाऱ्यांनी संयुक्तपणे शोध मोहीम राबवून विद्यार्थ्यांचा मृतदेह बाहेर काढला. याप्रकरणाची काकती पोलीस स्थानकात नोंद झाली असून पोलीस अधिक तपास करत आहेत.