ट्रॅक्टरच्या चाकात सापडून शाळकरी मुलाचा मृत्यू

अथणी : अथणी तालुक्यातील तेवरट्टी गावात आज ट्रॅक्टरच्या चाकात सापडून सात वर्षीय शाळकरी मुलाचा मृत्यू झाला.
सुदर्शन निलजगी (७) असे मयत बालकाचे नाव आहे. आज सकाळी मुलगा मामासोबत ट्रॅक्टरने शाळेसाठी निघाला होता. शाळा आल्यानंतर तो शाळेत जाण्यासाठी खाली उतरत ट्रॅक्टरची धडक बसून मुलाचा जागीच मृत्यू झाल्याची हृदयद्रावक घटना घडली.
याप्रकरणी अथणी पोलिस ठाण्यात गुन्हा दाखल करण्यात आला आहे.