Belgaum Varta Belgaum Varta
बेळगाव : शहापूर नाथ पै चौक शहापूर येथील एका घरात एका युवतीची हत्या करून स्वतः आत्महत्या केल्याची निर्घृण घटना आज संध्याकाळी घडली आहे.
याबाबत समजलेली माहिती अशी की, येळ्ळूर येथील प्रशांत कुंडेकर नामक तरूण हा नाथ पै चौक येथील ऐश्वर्या लोहार (वय १८) या युवतीवर प्रेम करत होता. सदर युवतीने लग्नास नकार दिल्याच्या कारणाने तरुणाने आधी युवतीवर चाकूने हल्ला करून ठार केले. नंतर स्वतःला मारून घेतले यात दोघांचाही जागीच मृत्यू झाला आहे.
शहापूर पोलीस घटनास्थळी पोहोचून पुढील तपास करत आहेत. पोलीस आयुक्तही घटनेचे गांभीर्य ओळखून घटनास्थळी हजर झाले आहेत. सदर घटनेमुळे शहापूर परिसरात एकच खळबळ उडाली आहे.
