प्रवण प्रजापती राजहंसगडाचा राजा तर प्रतीक्षा कुरबर राजहंसगडाची राणी

 

मध्यवर्ती शिवजयंती उत्सव मंडळाच्या वतीने राजहंसगड चढणे उतरणे स्पर्धा संपन्न

बेळगाव : बेळगाव शहरांमध्ये पारंपारिक पद्धतीने होणाऱ्या शिवजयंती उत्सवानिमित्त दरवर्षी राजहंसगड चढणे उतरणे स्पर्धा भरवण्यात येतात.यावर्षीही या स्पर्धांचे आयोजन रविवार दिनांक 4 मे 2025 रोजी करण्यात आले होते.
या स्पर्धेमध्ये प्रवण प्रजापती यांनी राजहंसगडाचा राजा तर प्रतीक्षा कुरबर हिने राजहंसगडाची राणी हा किताब मिळवला.
यावेळी या स्पर्धेमध्ये अनेक लहान मोठ्या मुलामुलींनी सहभाग नोंदवला.
सकाळी आठ वाजता या स्पर्धेला सुरुवात झाली.
या स्पर्धेमध्ये लहान गट मध्यम गट आणि खुलागट अशा तीन गटांमध्ये या स्पर्धा घेण्यात आल्या.

स्पर्धेचा निकाल खालील प्रमाणे

लहान गट मुली
प्रथम क्रमांक- प्रांजल धुडूम, द्वितीय क्रमांक- मुस्कान शेख, तृतीय क्रमांक- सोमय्या शेख

लहान गट मुले
प्रथम क्रमांक- प्रणव बेनके, द्वितीय क्रमांक- संदीप राजपूत, तृतीय क्रमांक- भरत बेलपुल

मध्यम गट मुली
प्रथम क्रमांक- प्रणाली मोदगेकर

मध्यम गट मुले
प्रथम क्रमांक- शिवम कोपर्डे, द्वितीय क्रमांक- प्रीतम कुरबर, तृतीय क्रमांक- अथर्व सायनेकर

खुला गट मुली
प्रथम क्रमांक- प्रतीक्षा कुरबल

खुला गट मुले
प्रथम क्रमांक- प्रणव प्रजापती
द्वितीय क्रमांक- किसन टक्केकर
द्वितीय क्रमांक- गणेश सालगुडे

यानंतर झालेल्या छोटेखाणी बक्षीस वितरण कार्यक्रमाच्या अध्यक्षस्थानी मध्यवर्ती शिवजयंती उत्सव मंडळाचे खजिनदार प्रकाश मरगाळे होते. यावेळी व्यासपीठावर शहापूर विभागाचे अध्यक्ष नेताजी जाधव, युवा समितीचे अध्यक्ष अंकुश केसरकर, मध्यवर्तीचे कार्यवाह विजय पाटील, युवा समितीचे सरचिटणीस श्रीकांत कदम, जनसंपर्क प्रमुख विकास कलगटगी, धामणे ग्रामपंचायत सदस्य विजय बाळेकुंद्री व मोतेश बारदेशकर उपस्थित होते.
सुरुवातीला उपस्थितांचे स्वागत आणि प्रास्ताविक कार्यवाह मदन बामणे यांनी केले. यानंतर छत्रपती शिवरायांच्या मूर्तीला पुष्पहार घालून पूजन करण्यात आले.
अंकुश केसरकर यांनी बोलताना, गेल्या दोन वर्षात या स्पर्धा निवडणुकीमुळे झाल्या नव्हत्या पण गेल्या अनेक वर्षांपासून या स्पर्धेला मोठा प्रतिसाद मिळतो त्याच पद्धतीने यावर्षी अनेक स्पर्धकांनी यात सहभाग नोंदवला आणि बक्षीसही मिळवली त्याबद्दल सर्वांचे अभिनंदन केले.
नेताजी जाधव यांनी बोलताना, प्रत्येक विद्यार्थ्याने धावण्याच्या शर्यतीमध्ये सहभाग नोंदवणे आवश्यक असल्याचे सांगितले. अशा स्पर्धांमध्ये भाग घेऊन अनेक बक्षिसे आणि पदके मिळवली आणि त्यांना खेळाडूंच्या कोट्यातून सरकारी नोकऱ्या मिळाल्या असल्याचे त्यांनी सांगितले तसेच अनेक वयस्कर आणि सुद्धा या स्पर्धेत सहभागी होऊन बक्षीस मिळवले असल्याचे सांगितले.
शेवटी उपस्थित सर्व मान्यवरांच्या हस्ते विजेत्यांना रोख बक्षीस आणि स्मृतिचिन्ह देऊन गौरविण्यात आले.
या स्पर्धा यशस्वी करण्यासाठी राजू ओऊळकर, सुनील आनंदाचे, बाबू कोले, प्रकाश गडकरी, आकाश भेकणे, प्रतीक पाटील यांनी परिश्रम घेतले.
या कार्यक्रमाचे सूत्रसंचालन मदन बामणे यांनी केले तर आभार विकास कलघटगी यांनी मांडले.

दरम्यान, गंगाराम सेवा ट्रस्टच्या वतीने विजयी आणि सहभागी सर्व स्पर्धकांना मानचिन्ह देऊन गौरविण्यात आले.

स्वराज्य काकतकर याचा विशेष सन्मान

आठ वर्षे पूर्ण न झालेल्या पण स्पर्धेत भाग घेण्यासाठी आलेल्या स्वराज्य काकतकर यांने राजहंसगड चढणे व उतरणे ही स्पर्धा यशस्वीपणे पूर्ण केल्याबद्दल मध्यवर्ती शिवजयंती उत्सव मंडळाच्या वतीने त्याचा रोख पारितोषिक आणि स्मृतीचिन्ह देऊन विशेष सन्मान केला. याबद्दल उपस्थितानी त्याचे भरभरून कौतुक केले.