लिंगराज महाविद्यालयाचा क्रिडा आणि सांस्कृतिक कार्यक्रम २०२४-२५ चा समारोप सोहळा उत्साहात संपन्न

बेळगाव : आम्हाला अशा तरुणांची गरज आहे जे नवीन जीवनातील समस्यांना तोंड देतील. तंत्रज्ञानाने ज्या समस्या देऊ केल्या आहेत आणि सोडवू शकतील . व्यवस्थेत येण्यासाठी समाजाची सेवा करण्याचा सर्वोत्तम मार्ग म्हणजे एकतर तुम्ही अधिकारी म्हणून सरकारमध्ये किंवा तुम्हाला राजकारणात येवू शकता. प्रत्येक विद्यार्थ्यांनी त्यांच्या स्वप्नांना सत्यात उतरवण्यासाठी कठोर परिश्रम करावेत. आणि यूपीएससी नागरी सेवांसारख्या महत्त्वाकांक्षी स्पर्धा परिक्षांचा पाठलाग करावा, असे प्रतिपादन बेळगावचे जिल्हाधिकारी श्री. मोहम्मद रोशन यांनी केले.

के.एल.ई. संस्थेच्या लिंगराज महाविद्यालय (स्वायत्त), बेळगाव येथे शैक्षणिक वर्ष २०२४-२५ साठी क्रिडा आणि सांस्कृतिक कार्यक्रम उपक्रमांचा समारोप समारंभ संस्थेच्या मध्यवर्ती सभागृहात भव्यतेने पार पडला. या समारोहाला बेळगावचे जिल्हाधिकारी श्री. मोहम्मद रोशन हे प्रमुख पाहुणे होते. त्यांनी स्पर्धात्मक परीक्षांची तयारी करणाऱ्या विद्यार्थ्यांना सखोल मार्गदर्शन देखील केले. कार्यक्रमाचे अध्यक्षपद के.एल.ई संस्थेचे संचालक श्री. महांतेश कवटगीमठ यांनी भूषवले.
या वेळी के.एल.ई संस्थेचे संचालक श्री. महांतेश कवटगीमठ आपल्या अध्यक्षीय भाषणात म्हणाले की, विद्यार्थ्यांनी आपले ध्येय पूर्ण करण्यासाठी सातत्याने अध्ययन करावे. वर्तमान काळातील स्पर्धा परिक्षांना विद्यार्थ्यांनी धाडसाने सामोरे जावे. जीवनात अनेक समस्यांना न डगमगता तोंड द्यावे. त्यांनी महाविद्यालयाच्या सर्वांगीण विकासाला चालना देण्यासाठी आणि शैक्षणिकक्षेत्राबरोबरच सांस्कृतिक आणि क्रिडा क्षेत्रात सहभागी व्हावे आणि व्यक्तिमत्व विकास करावा.

कार्यक्रमाची सुरुवात कु. रोहिणी हनबरट्टी हिने गायलेल्या गीताने झाली. महाविद्यालयाच्या प्राचार्य डॉ. एच. एस. मेलिनमनी यांनी मान्यवरांचे, प्राध्यापकांचे आणि विद्यार्थ्यांचे हार्दिक स्वागत केले. इंग्रजी विभागाचे प्रमुख डॉ. शशिकांत कोन्नूर यांनी कार्यक्रमाचे प्रमुख पाहुणे, बेळगावचे जिल्हाधिकारी श्री. मोहम्मद रोशन आणि के.एल.ई संस्थेचे संचालक श्री. महांतेश कवटगीमठ यांची ओळख करून दिली. इंग्रजीचे विभागाचे प्रा. सी. एस. पाटील यांनी महाविद्यालयाच्या क्रिडा आणि सांस्कृतिक उपक्रमांचा विस्तृत अहवाल सादर केला. यामध्ये विविध विषयांमधील विद्यार्थी आणि प्राध्यापकांच्या केलेल्या विविध कार्यक्रम आणि कामगिरीवर प्रकाश टाकण्यात आला. या कार्यक्रमात उत्कृष्ट कामगिरी करणाऱ्या विद्यार्थ्यांचा सत्कारही करण्यात आला, त्यानंतर विविध स्पर्धा आणि क्रीडा स्पर्धांमधील विजेत्यांना बक्षिसे वितरण प्रमुख पाहुण्यांच्या हस्ते विद्यार्थ्यांना पुरस्कारांचे वितरण केले.
वाणिज्य पदव्युत्तर शाखेच्या समन्वयक प्रा. लक्ष्मी शिवण्णावर यांनी सर्व मान्यवर, आयोजक, प्राध्यापक आणि विद्यार्थ्यांचे शैक्षणिक वर्ष यशस्वी करण्यात सक्रिय सहभाग घेतल्याबद्दल आभार मानले. कार्यक्रमाचे सुत्रसंचालन प्रा. सिद्धनगौडा पाटील आणि कु. सुहानी मगदूम यांनी केले, तर बक्षीस विजेत्यांची घोषणा प्रा. विनायक वरुटे आणि प्रा. निकिता बेडरे यांनी केली. या समारोहाला मोठ्या संख्येने विद्यार्थी, विद्यार्थिनी आणि प्राध्यापक उपस्थित होते.