Belgaum Varta Belgaum Varta
बेळगाव : बेळगाव जिल्हा प्रशासनाने अल्पसंख्याक बाबत कोणती पाऊले उचलली आहेत यावर अहवाल पाठवा असे पत्र 30 सप्टेंबर रोजी केंद्रीय भाषिक अल्पसंख्याक आयोगाचे उपायुक्त एस. शिवकुमार यांनी जिल्हाधिकारी मोहम्मद रोशन यांना पत्र पाठवले आहे.
भारत सरकारच्या अल्पसंख्याक कार्य मंत्रालयाच्या भाषिक अल्पसंख्याक सहाय्य आयुक्त कार्यालयाकडून बेळगाव जिल्हाधिकाऱ्यांना १८ ते १९ फेब्रुवारी २०२५ रोजी झालेल्या अधिकृत भेटीचा अभ्यास अहवाल तातडीने सादर करण्याचे निर्देश देण्यात आले आहेत.
चेन्नई येथील सहाय्य आयुक्त एस. शिवकुमार यांनी दिनांक ३० सप्टेंबर २०२५ रोजी पाठविलेल्या पत्रात नमूद केले आहे की, या कार्यालयाने यापूर्वी १४ मार्च, ३० जून आणि २५ जुलै २०२५ रोजी संबंधित पत्रे पाठवून अहवालाबाबत पत्रव्यवहार केला आहे. मात्र अद्याप ऍक्शन टेकन रिपोर्ट सादर न झाल्याने ती लवकरात लवकर पाठविण्याची विनंती करण्यात आली आहे.
या अहवालात बेळगाव जिल्ह्यातील भाषिक अल्पसंख्याकांसाठी राबविलेल्या सुरक्षा उपाययोजना आणि त्यांच्या अंमलबजावणीबाबत माहिती समाविष्ट आहे. संबंधित अहवाल भाषिक अल्पसंख्याक आयुक्तांपुढे सादर केला जाणार असल्याचेही पत्रात नमूद करण्यात आले आहे.
या पत्राची प्रत मध्यवर्ती महाराष्ट्र एकीकरण समिती बेळगाव, तालुका महाराष्ट्र एकीकरण समिती युवा आग्रही, तसेच महाराष्ट्र एकीकरण युवा समिती या तिन्ही संघटनांच्या अध्यक्षांना पाठविण्यात आली आहे.
या पत्रामुळे बेळगावातील मराठी भाषिकांच्या मागण्यांना पुन्हा एकदा केंद्राच्या स्तरावर महत्त्व प्राप्त झाले आहे.
