काकतीमध्ये जनजागृती रॅली उत्साहात

बेळगाव : काकती येथील ‘हा माझा धर्म’ या पशु बचाव संघटनेतर्फे आयोजित झाडे वाचवा, पाणी वाचवा आणि प्राणीपक्षी वाचवा जनजागृती रॅली आज सकाळी उत्साहात पार पडली.
काकती येथील ‘हा माझा धर्म’ या पशु बचाव संघटनेचे प्रमुख विनायक केसरकर यांच्या नेतृत्वाखाली आज गुरुवारी सकाळी आयोजित या रॅलीमध्ये गजानन गवाणे, ज्योती गवी, सिद्धगौडा सुनगार, रुद्रेश, कामांना चौगुले, सुरज कडोलकर आदींसह डिव्हाइन हेल्पिंग हँड्स ग्रुप, वनखाते, ग्रा. पं. सदस्य, माजी जि. पं. सदस्य आणि पशू बचाव संघटनेचे कार्यकर्ते बहुसंख्येने सहभागी झाले होते. त्याचप्रमाणे काकती येथील मराठी माध्यम शाळा, कन्नड माध्यम शाळा, उर्दू माध्यम शाळा आणि मराठा मंडळ काकती शाखेचे विद्यार्थी -विद्यार्थिनी देखील रॅलीत सहभागी होते. काकती गावातील प्रमुख मार्गावरून ही रॅली काढण्यात आली. झाडे वाचवा, पाणी वाचवा आणि प्राणीपक्षी वाचवासंदर्भातील घोषणा देत निघालेल्या या रॅलीत हातात फलक धरून सहभागी झालेले विद्यार्थी -विद्यार्थिनी सार्‍यांचे लक्ष वेधून घेत होते.