निलजीत धर्मवीर छ. संभाजी महाराज राज्याभिषेक दिन साजरा

बेळगाव : निलजी (ता. जि. बेळगाव) येथे श्रीराम सेना हिंदुस्थानच्यावतीने धर्मवीर छत्रपती संभाजी महाराज राज्याभिषेक दिन आज मोठ्या उत्साहात साजरा करण्यात आला.

निलजी गावातील धर्मवीर संभाजी महाराज चौकामध्ये आज शुक्रवारी सकाळी आयोजित या कार्यक्रमाप्रसंगी प्रारंभी गजानन पाटील, रामलिंग लोहार व श्रीराम सेना हिंदुस्थान बेळगाव तालुका प्रमुख भरत पाटील यांच्या हस्ते महाराजांच्या आता तलवार घेतलेल्या पूर्णाकृती मूर्तीचे अभिषेक व पुष्पहार घालून पूजन करण्यात आले. त्यानंतर उपस्थित सर्वांनी शंभूराजांना अभिवादन करून त्यांचा जय जयकार केला. याप्रसंगी संदीप मोदगेकर, सिद्राय हिराप्पाचे, शरद पाटील, आप्पाजी लोहार, रवी मोदगेकर, आप्पाजी गाडेकर, सचिन गोमाणाचे, कल्लाप्पा मोदगेकर, बाबाजी सुतार, मारूती हिराप्पाचे आदींसह गावकरी उपस्थित होते.