मराठी विद्यानिकेतनमध्ये प्रजासत्ताक दिन साजरा

बेळगाव : मराठी विद्यानिकेतनमध्ये प्रजासत्ताक दिन साजरा करण्यात आला. यावेळी प्रमुख पाहुण्या म्हणून शाळेच्या शिक्षिका मुक्ता आलगोंडी उपस्थित होत्या. महात्मा गांधी, डॉ. बाबासाहेब आंबेडकर यांच्या प्रतिमेला आणि महात्मा फुले यांच्या पुतळ्याला प्रमुख पाहुणे मुक्ता आलगोंडी यांच्या हस्ते पुष्पहार अर्पण करून कार्यक्रमाची सुरुवात करण्यात आली. प्रमुख पाहुण्यांचा पुष्पगुच्छ व सन्मानचिन्ह देऊन शिक्षक संयोजिका नीला आपटे यांच्या हस्ते गौरव करण्यात आला. यानंतर मुक्ता आलगोंडी यांच्या हस्ते ध्वजारोहण करण्यात आले. संगीत शिक्षक सहदेव कांबळे व नारायण गणाचारी यांच्या मार्गदर्शनाखाली संगीत विभागातर्फे राष्ट्रगीत, झेंडा गीत, समूहगीत घेण्यात आले. एन्. सी. सी. चे विद्यार्थी व इयत्ता नववीचे विद्यार्थ्यांनी पथसंचलन केले. प्रजासत्ताक दिनाचे महत्त्व तसेच दिल्ली येथे होणाऱ्या प्रजासत्ताक दिनाची माहिती, शिस्त व स्वच्छतेचे महत्व मुक्ता आलगोंडी यांनी आपल्या मनोगतात व्यक्त केले. बालवाडी विभागातील रुत्विक शहापूरकर, विनित पाटील, पार्थ कांगले, प्रान्वी खणगावकर, मयंक माणगावकर, शिवा संजय पोटे, अन्वित विनायक जाधव, सेजल संदीप कृष्णोजी या विद्यार्थ्यांनी विचार व्यक्त केले. हर्ष केदारी गुंजीकर, प्रणव विठोबा पवार, साईराज गुरव, कलाश्री बागेवाडी या विद्यार्थ्यांनी वेगवेगळ्या भाषांत आपले विचार मांडले. यानंतर क्रिडा शिक्षक दत्ता पाटील, महेश हगीदळे, श्रीधर बेन्नाळकर, एन्. सी. सी. मार्गदर्शक वैभवी दळवी यांच्या मार्गदर्शनाखाली शारीरिक विभागाकडून शारीरिक कसरती घेण्यात आल्या. इयत्ता चौथी ते नववीच्या विद्यार्थ्यांनी लेझीम, डंम्बेल्स, हुप्स सादरीकरण केले. व्यासपीठावर शाळा सुधारणा समितीचे सदस्य सी. ए. विनायक जाधव, माध्यमिक विभागाचे मुख्याध्यापक नारायण उडकेकर व प्राथमिक विभागाचे मुख्याध्यापक बी. जी. पाटील, संयोजिका नीला आपटे, समन्वयक सविता पवार,बालवाडी प्रमुख सीमा कंग्राळकर, शैक्षणिक समुपदेशक गौरी चौगुले, सांस्कृतिक विभाग प्रमुख धीरजसिंह राजपूत व शाळेचा पंतप्रधान अनिकेत जाधव, शिक्षक वर्ग, विद्यार्थी उपस्थित होते. कार्यक्रमाचे सूत्रसंचालन व आभार रुपाली हळदणकर यांनी केले.