खानापूर पोलिसांकडून प्रभूनगर व कानसीनकोपजवळ २५ लिटर गावठी दारू साठा जप्त

खानापूर (प्रतिनिधी) : प्रभूनगर व कामसीनकोपजवळील देवलट्टी (ता. खानापूर) गावाजवळ २५ लिटर गावठी दारू छाप्पा टाकून मंगळवारी दि. २१ रोजी सायंकाळी जप्त केला.
याबाबत खानापूर पोलिस स्थानकातून मिळालेली माहिती अशी की, प्रभूनगर (ता. खानापूर) गावातील प्रभूदेव मंदिराच्या परिसरात सार्वजनिक ठिकाणी आरोपी गावठी दारूची विक्री करत असल्याची माहिती पोलिसांना मिळाली. लागलीच खानापूर पोलिसांनी घटनास्थळी धाव घेऊन आरोपीजवळील ५ लिटर गावठी दारू जप्त केली व आरोपी विरूद्ध ३० नुसार गुन्हा दाखल करण्यात आला आहे. खानापूर पोलिस स्टेशन गुन्हा क्रमांक ६७ /२०२३ कलम ३२,३४ कर्नाटक उत्पादन शुल्क कायदा १९६५ नुसार गुन्हा दाखल करण्यात आला आहे. त्याचबरोबर कामसिनकोप जवळील देवलट्टी (खानापूर) गावाजवळ सार्वजनिक ठिकाणी गावठी दारूची विक्री करत असल्याची माहिती खानापूर पोलिसाना मिळताच
खानापूर पोलिसस्थानकाचे सीपीआय रामचंद्र नाईक यांनी
बैलहोंगल डीएसपी रवी नायक यांच्या मार्गदर्शनाखाली पीएसआय प्रकाश राठोड व सहकाऱ्यांनी सापळा रचून घटनास्थळी छाप्यात टाकला. मात्र आरोपी पोलिसांचा सुगावा लागताच पळुन जाण्यात यशस्वी झाला. मात्र पोलिसांना घटनास्थळी २० लिटर गावठी दारू साठा सापडला. खानापूर पोलिस स्थानकात आरोपी विरूध्द गुन्हा क्रमांक ६८/२०२३, कलम ३२,३४ कर्नाटक उत्पादन शुल्क कायदा १९६५ नुसार गुन्हा दाखल करण्यात आला. पोलिस आरोपीच्या शोधार्थ आहेत.
यावेळी सीपीआय रामचंद्र नाईक, पीएसआय प्रकाश राठोड एएसआय श्री. बडगेर, जे. ए. हम्मण्णावर, पोलिस जे. आय. काद्रोळी, के. एम. सनदी, आय. एन. जन्नवगोला, एम. एल. मुल्ला, ए. एस. सत्ताप्पणावर व व्ही. एम. बागी आदींनी ही कारवाई केली.
खानापूर तालुक्यातील गांजा, जुगार, गावठी दारू अशा अवैद्य धंद्यावर पोलिसांची तीक्ष्ण नजर असुन कारवाईचे सत्र सुरूच आहे. त्यामुळे खानापूर पोलिसांच्या कारवाईचे खानापूर तालुक्यातील जनतेतून कौतुक होत आहे.