खानापूर ब्लॉक काँग्रेसतर्फे म. गांधी जयंतीनिमित्त पदयात्रेचे आयोजन

खानापूर : 2 ऑक्टोबर रोजी संपूर्ण राज्यात म. गांधी जयंती साजरी करण्यात येणार आहे. गांधी जयंतीचे औचित्य साधून शहरातून पदयात्रा काढण्याचे आदेश केपीसीसीने दिले आहेत.

खानापूर ब्लॉक काँग्रेसतर्फे 2 ऑक्टोबर म. गांधी जयंती दिवशी खानापूर परिश्वाड क्रॉस येथून सकाळी ठीक 9 वाजता पदयात्रेला सुरवात होणार असून टिपू सुलतान चौक- चौराशी देवी मंदिर- वाल्मिकी मंदिर-बसवेश्वर पुतळा-आंबेडकर पुतळा अशी पदयात्रा निघणार असून शिवस्मारक येथे पदयात्रेची सांगता होणार आहे. तरी तालुक्यातील सर्व काँग्रेस कार्यकर्ते, पदाधिकारी, आजी-माजी लोकप्रतिनिधी, महिला मंडळ, युवक मंडळांनी उपस्थित रहावे तसेच कार्यकर्त्यांनी पांढरा पोशाख आणि गांधी टोपी तर महिला कार्यकर्त्यांनी पांढऱ्या साड्या परिधान कराव्यात असे आवाहन खानापूर काँग्रेसतर्फे करण्यात आले आहे.