खानापूर (प्रतिनिधी) : खानापूर कदंब फौंडेशनच्यावतीने शहरातील होसमनी पेट्रोल पंपावर जखमी अवस्थेत बेवारस व्यक्ती गेल्या काही दिवसांपासुन विव्हळत पडली होती. पायाला जखम होऊन किडे पडले होते. याची दखल घेण्यात आली.
याची माहिती कदंबा फौंडेशनचे अध्यक्ष जाॅर्डन गोन्सालवीस यांना देण्यात आली. लागलीच कदंबा फौंडेशनचे अध्यक्ष जाॅर्डन गोन्सालवीस, उपाध्यक्ष जी. एम. कुमार, पिंटू साळुंखे, किशोर कलाल, यल्लापा सुतार आदिंनी त्याची विचारपूस करून खासगी डाॅक्टरकडून उपचार केले. जखम मोठी असल्याने अम्ब्यूलन्स बोलवून पुढील उपचारासाठी बेळगावला पाठविले. सोबत एका व्यक्तीला दिवसाची मजुरी देऊन खर्चाला पैसे देऊन पाठविण्यात आले. त्यामुळे बेवारस व्यक्तीच्या प्रकृतीत सुधारणा झाली आहे.
खानापूर कदंब फौंडेशनच्या कार्याबद्दल खानापूर शहरात कौतुक केले जाते आहे.
Check Also
तिरडीवरून नेलेल्या आमगावच्या “त्या” दुर्दैवी महिलेचा अखेर मृत्यू
Spread the love खानापूर : खानापूर तालुक्यातील एका टोकास वसलेल्या दुर्गम भागातील आमगाव येथील महिलेला …