खानापूर येथील पडळवाडीजवळ बस नाल्यात पडली

खानापूर : खानापूरहून कुंभर्डाकडे जाणारी केएसआरटीसी बस पडळवाडी वळणावर झाडापासून बचाव करण्यासाठी गेली असता नाल्यात पडल्याची घटना काल सायंकाळी घडली.
या रस्त्याच्या वळणावर एक झाड येते. या झाडाला धडकू नये म्हणून केएसआरटीसी बस चालकाने बस नाल्यात खाली उतरवली. सुदैवाने बसमधील कोणीही जखमी झाले नाही. नंतर सर्व प्रवासी इतर व्यवस्था करून घरी परतले. आज सकाळी क्रेनच्या सहाय्याने बस उचलण्यात आली.
अशा घटना वारंवार घडत असून, अशी दुर्घटना घडल्यास बंदोबस्त करण्याची मागणी स्थानिकांनी केली आहे.