कर्जमाफी, विज मोफत न दिल्यास आंदोलन

विणकर व्यवसायिकांचा इशारा : निपाणी तहसीलदारांना निवेदन

निपाणी (वार्ता) : राज्यात ५५ लाखापेक्षा अधिक विणकर आहेत.५ लाख लोक या व्यावसात गुंतले आहेत. दुष्काळ, पडझड, अतिवृष्टी, नोटा बंदी, जीएसटी आणि कोविड यांसारख्या दुष्परिणामांमुळे पुरेशा सरकारी योजना गरीब लोकांपर्यंत पोहोचत नाहीत. मुलांचे शिक्षण, सुत बाजारातील असुरक्षिततेमुळे कर्जाला कंटाळून विणकर व्यवसायिक आत्महत्या करीत आहेत. अलीकडेच काही व्यवसायिकावर दिवसांत ४२ गुन्हे दाखल झाले. हे सत्र न थांबल्यास आंदोलन करण्याचा इशारा कर्नाटक राज्य विणकर संघाने दिला आहे. विणकारांच्या विविध मागण्यांचे निवेदन तहसीलदार विजय कडगोळ यांच्यामार्फत मुख्यमंत्र्यांना देण्यात आले. तहसीलदार कडगोळ यांनी निवेदन स्वीकारून मुख्यमंत्र्यांना पाठविण्याचे आश्वासन दिले.
निवेदनातील माहिती अशी, राज्यातील विणकरांची राष्ट्रीयीकृत बँकांसह कर्ज माफ करून १० अश्वशक्ती पर्यंत मोफत वीज द्यावी. विरोधी पक्षात असताना कायमस्वरूपी नुकसान भरपाईची योजना तयार करण्याबाबत त्यांच्याशी चर्चा केली होती. येत्या काही दिवसात निश्चितच काँग्रेस सरकार येणार आहे. त्यामुळे विणकरांना कायमस्वरूपी नुकसान भरपाई देईल. विणकरांना व्यवसाय मोफत मोफत वीज द्यावी.
बांधकाम कामगारांच्या मॉडेलवर व्यावसायिक विणकरांसाठी कामगार सुविधांची अंमलबजावणी करावी.
एप्रिलपासून किमान शुल्क १०० वरून १४० रुपये झाले असून युनिट दर कमी करावेत. राष्ट्रीयकृत बँका आणि सहकारी संस्थांमधील विणकरांची संपूर्ण कर्जमाफी लागू करावी. कर्जबाजारीपणामुळे १२ जणांनी आत्महत्या केली असून त्यांच्या नातेवाईकांना किमान १० लाख रुपयांची नुकसान भरपाई द्यावी. विणकरांसाठी टायटल डीड आणि सीटीएस जारी करून ज्यांना जागा नाही त्यांना जागा द्याव्यात. राज्यातील शासकीय वस्त्रोद्योग पदविका महाविद्यालय ही म्हैसूरच्या महाराजांची देणगी आहे.ती श्रेणी सुधारित करून कायमस्वरूपी कर्मचाऱ्यांची नियुक्ती करण्यात यावी. विणकरांच्या शिक्षणावर भर देऊन राज्यात विणकाम जगण्यासाठी वस्त्रोद्योग महाविद्यालये स्थापन करावीत संध्याकाळच्या वेळेत शिकणाऱ्या विद्यार्थ्यांसाठी रात्र महाविद्यालये सुरू करावीत. विणकरांच्या उत्पादनांसाठी थेट बाजारपेठ निर्माण करावी. सध्याची विणकर इक्विटी योजना, शिष्यवृत्ती आणि ११ टक्के व्याज कर्ज गरीब विणकरांनाही पुरेशा प्रमाणात उपलब्ध करून द्यावे, यासह विविध मागण्या करण्यात आल्या आहेत
यावेळी राजू खाणाई, अण्णासाहेब बेडकीहाळे, राजू फराकटे, संतोष चौगुले, गणपती कुंभार, आप्पासाहेब मगदूम, अर्जुन पाटील, शिवाजी चौगुले, प्रमोद कांबळे, सागर माळी, संदीप कुंभार, अमोल मोरे, सचिन कुंभार, लक्ष्मण कदम, संतोष संकपाळ यांच्यासह विणकर संघाचे पदाधिकारी सदस्य उपस्थित होते.