शिक्षक संघटनेच्या मागण्या मान्य कराव्यात

राज्य सहशिक्षक संघ; पालकमंत्री सतीश जारकीहोळी यांना निवेदन

निपाणी (वार्ता) : राज्य प्रौढशाळा सहशिक्षक संघाच्या चिक्कोडी शैक्षणिक जिल्हा शाखेच्या वतीने सार्वजनिक बांधकाम विभागाचे मंत्री सतीश जारकीहोळी आणि महिला व बालकल्याण विभागाच्या मंत्री लक्ष्मी हेब्बाळकर यांना निवेदन देऊन विविध मागण्या पूर्ण कराव्यात, अशी मागणी केली आहे.
सरकारी आणि अनुदानित माध्यमिक शाळांसाठी एनपीएस आणि जुनी पेन्शन योजना रद्द करणे, राज्य स्तरावर उच्च माध्यमिक शाळांचे वेतन अनुदान वितरणातील अडचण दूर करणे, अनुदानित उच्च माध्यमिक शाळांमधील २०१५ नंतर रिक्त पदे भरण्यासाठी कार्यवाही करणे, अनुदानित शाळेतील शिक्षकां साठीही ज्योती संजीवनी योजना लागू करणे, २००८ नंतर नियुक्त शिक्षकांचा वेतन भेदभाव दूर करणे, आमच्या मागण्या उच्च माध्यमिक शाळांमध्ये शिक्षकांची जुळवाजुळव करणे, उच्च माध्यमिक शाळांमधील मुलांसाठी ७०:०१ वरून ५०:०१ करणे, अनुदानित उच्च माध्यमिक शाळांमधील रिक्त ‘ड’ श्रेणी कर्मचारी भरणे या मागण्यांची पूर्तता करावी, अशी मागणी करण्यात आली आहे. यावेळी असोसिएशनचे जिल्हा सचिव आदमअली पिरजादे यांनी केली आहे.
यावेळी राज्य हायस्कूल शिक्षक संघाचे सरचिटणीस रामू गुगवाड, मोहम्मद आजम उस्ताद, महादेव गोकार, रावसाहेब जनवाडे, संजय, दिवाने, संजय ढवळे, संजय देसाई, इरफान खानापुरे यांच्यासह संघटनेचे सदस्य, शिक्षक उपस्थित होते.