घरकुल योजनेतील लाभार्थीवर कारवाईचे निर्देश

जिल्हा पंचायत अधिकाऱ्याकडून पत्र : तक्रारदारांची माहिती

निपाणी (वार्ता) : शासकीय घरकुल योजना मार्गदर्शक तत्त्वांचे उल्लंघन केल्याप्रकरणी केल्याप्रकरणी संबंधित घरकुल लाभार्थी कडून संबंधित रक्कम व्याजासह वसूल करून त्यांच्यावर कारवाई करण्याचे पत्र जिल्हा पंचायत अधिकाऱ्यांनी तालुका पंचायत अधिकारी आणि तक्रारदारांना पाठवल्याची माहिती तक्रारदार बिराप्पा मुधाळे यांनी दिली.
याबाबत जिल्हा पंचायत अधिकाऱ्यांनी पाठवलेल्या पत्रातील माहिती माहिती आणि तक्रारदार मुधाळे यांनी दिलेली माहिती अशी,
वाळकी येथील प्रिया प्रकाश पाटील, यांनी २०१०-११साली बसव गृहनिर्माण योजनेंतर्गत मंजूर घराचे बांधकाम न करता दुसऱ्याच्या घरासमोर उभे राहून ग्रामपंचायत कर्मचाऱ्यांसह शासकीय अनुदान घेतले आहे. जीपीएस केल्यानंतर महामंडळ ६.२ च्या मार्गदर्शक तत्त्वांचा संदर्भ (६) प्रमाणे११ टक्के दराने व्याज ७४ हजार ५०० रुपये वसूल करण्याबाबत आधीच पत्राद्वारे संबंधित लाभार्थींना सुचित करण्यात आले आहे. जमीन महसूल थकबाकी वसूल करण्यासाठी, नियमानुसार घर न बांधता‌ अनुदान मिळवल्याबद्दल सक्षम अधिकार क्षेत्राच्या न्यायालयात फौजदारी खटला चालवला जाईल, असेही या पत्रात नमूद करण्यात आले आहे.
गृहनिर्माण योजना मार्गदर्शक तत्त्वांच्या खंड ६.४ मध्ये वर्णन केल्यानुसार कार्यालयास अहवाल सादर करण्याचे आधीच निर्देश दिले आहेत. संबंधित लाभार्थ्यानी आतापर्यंत अनुदानाची परतफेड केलेली नाही. जिल्हा स्तरावरील तपास पथकाला प्राप्त झालेल्या तपासणी अहवालाच्या आधारे सदर लाभार्थ्याने नियमानुसार घर न बांधता खोटी कागदपत्रे देऊन किंवा बनावट कागदपत्रे तयार करून अनुदान मिळवले आहे. सदरची बाब सिद्ध झाल्यामुळे संबंधित व्यक्तीविरुद्ध सक्षम न्यायालयात किंवा पतीच्या नावावर फौजदारी खटला दाखल केला जाऊ शकतो. लाभार्थीं रक्कम संयुक्त मालमत्तेवर ११ टक्के व्याजासह बोजा वाढवण्याचे निर्देश दिले आहेत. घर वाटप करण्यापूर्वी लाभार्थीच्या नावावर जागा नसतानाही, घरकुल योजनेच्या मार्गदर्शक तत्त्वांचे उल्लंघन करून घर मंजूर करणाऱ्या पंचायत विकास अधिकारी अध्यक्ष व पंचायत यांच्याकडून योग्य ती कारवाई केली जाऊ शकते. या आदेशाच्या प्रती तालुका पंचायत कार्यकारी अधिकारी, बंगळूर येथील लोकायुक्त कार्यालय आणि संबंधित लाभार्थींना पाठविण्यात आले आहेत.