‘अंकुरम’च्या विद्यार्थ्यांनी बनविले दिवाळीचे साहित्य

आठवडी बाजारात विक्री; पणत्या आकाश कंदीलांचा समावेश

निपाणी (वार्ता) : येथील कोडणी रोडवरील अंकुरम इंग्लिश मिडियम स्कूलच्या विद्यार्थ्यांनी स्वतः दिवाळीनिमित्त आकर्षक सजावटीचे साहित्य, सुगंधित उटणे, पणत्या आणि इतर वस्तू बनवल्या होत्या. त्या सर्व वस्तू दिवाळी निमित्ताने येथील गुरुवारच्या आठवडी बाजारात स्टॉल मांडून त्यांची विक्री केली. ‘कमवा आणि शिका’ उपक्रमांतर्गत विद्यार्थ्यांनी या वस्तूंची विक्री करून व्यवहार ज्ञान विकसित केले. त्यासाठी प्राचार्य चेतना चौगुले यांचे मार्गदर्शन लाभले.
गेल्या चार दिवसापासून अंकुरम इंग्लिश मीडियम स्कूलच्या विद्यार्थ्यांनी शिक्षकांच्या मार्गदर्शला मुलांनी विविध प्रकारच्या आकर्षित पणत्या, आकाश कंदील, आयुर्वेदिक सुगंधी उटणे बनविले होते. गुरुवारी येथील कोठीवाले कॉर्नर परिसरात सकाळी स्टॉल लावण्यात आला होता. स्टॉलचे उद्घाटन महावीर सेवार्थ दवाखान्याचे अध्यक्ष प्रकाश शहा यांच्या हस्ते करण्यात आले. यावेळी सुनिता शहा यांच्यासह मान्यवर उपस्थित होते.
सायंकाळी चार वाजेपर्यंत स्टॉलवरील सर्वच साहित्याची विक्री झाली. या उपक्रमातून विद्यार्थ्यांना विविध प्रकारच्या वस्तू बनवण्यासह व्यवहार ज्ञान मिळाले.
विद्यार्थ्यांना विविध वस्तू बनवता याव्यात. त्याशिवाय बाजारात त्याची विक्री करता यावी. पैशाचे ज्ञान व मुलांच्या चौकस बुद्धीचा विकास होण्याच्या उद्देशाने शाळेतर्फे ही संकलाना राबविण्यात आल्याचे प्राचार्या चेतना चौगुले यांनी सांगितले.
हा उपक्रम यशस्वी करण्यासाठी शिक्षक मारुती महाजन, स्वाती पठाडे, ज्योति चवई, ओसिया शहा, माधुरी लोळसुरे, नाझनीन होसूरी, शिल्पा चडचाळे, प्रियांका भाटले, सावित्री पाटील, हर्षदा पुरंदर आश्विनी हत्ती, अश्विनी हराळे, रुपाली यादव, समन्वयिका अर्पिता कुलकर्णी, संस्थेचे सेक्रेटरी डॉ.अमर चौगुले यांचे सहकार्य लाभले.