हुन्नरगी येथील बिनदाती घोडा- बैलगाडी शर्यतीत संज्योत सुतळे यांची गाडी प्रथम

निपाणी (वार्ता) : हुन्नरगी येथील ग्रामदैवत श्री लक्ष्मी-नारायण यात्रेनिमित्त आयोजित बिन दाती घोडा-बैलगाडी शर्यतीमध्ये हुन्नरगी येथील संज्योत सुतळे यांच्या गाडीने प्रथम क्रमांक पटकावला. तर अभिषेक मुरदंडे- हुन्नरगी, ज्योतिबा प्रसन्न- वाघापूर यांच्या गाड्यांनी द्वितीय व तृतीय क्रमांकाची बक्षिसे मिळवली.
नवतर बिन दाती घोडागाडी शर्यतीत किशोर पुजारी -कोडोली, धीरज कोळी-कागल आणि तावदारे यांच्या गाड्यांनी प्रथम ते तृतीय क्रमांकाची बक्षिसे पटवली.
जनरल घोडा -बैलगाडी शर्यतीतअर्पित मुल्ला -सदलगा, सोहेल कलावंत- हुन्नरगी, अभय चव्हाण -जांभळी यांनी बक्षीसे मिळवली. जनरल घोडा- गाडी शर्यतीत किशोर पुजारी -कडोली, मल्हार-बोरगाव, अक्षय धुळे- यळगुड,पाडा -बैलगाडी शर्यतीत रंजीत जाधव -कापशी, अभिजीत पाटील- हुन्नरगी, बाळूमामा प्रसन्न -कुर यांच्या गाड्यांनी प्रथम ते तृतीय क्रमांकाची बक्षीसे मिळवली. यावेळी सहकार रत्न उत्तम पाटील यांच्या प्रमुख उपस्थितीत बक्षीस वितरण करण्यात आले. यात्रा कमिटीतर्फे पाटील यांचा सत्कार करण्यात आला.