श्री दुर्गामाता दौडचे नगराध्यक्षा सौ. सिमाताई हतनुरी यांचेकडून स्वागत

संकेश्वर (महंमद मोमीन) : संकेश्वरात गुरुवार दि. २९ रोजी श्री दुर्गामाता दौडचे अंकले रस्ता येथे उत्स्फूर्तपणे जंगी स्वागत करण्यात आले. श्री शंकराचार्य संस्थान यापासून दौडची उत्साही वातावरणात ध्येय मंत्राने सुरुवात करण्यात आली. श्री दुर्गामाता दौडचे आयोजन संकेश्वर श्री शिवप्रतिष्ठान, भगवा रक्षक, श्रीरामसेना, श्रीरामसेना हिंन्दूस्तान, हिन्दू राष्ट्रीय सेना व हिन्दू संघटनांच्या वतीने करण्यात आले आहे. आज अंकले रस्ता येथे श्री दुर्गामाता दौडचे स्वागत नगराध्यक्षा सौ. सिमाताई हतनुरी, माजी नगराध्यक्ष श्रीकांत हतनुरी यांनी केले. छायाचित्रकार राघवेंद्र देवगोजी, युवानेते राजेंद्र बोरगांवी, नगरसेवक सचिन भोपळे, दत्ता थोरवत, अजित वाळकी, डॉ. सुगते, जयप्रकाश सावंत परिवारातर्फे दौडचे भक्तीपूर्वक सहर्ष स्वागत करण्यात आले. दौडमध्ये छत्रपती शिवाजी महाराज की जय, बसवेश्वर महाराज की जय, देवदेवता आणि राष्ट्रीय पुरुषांचा जयजयकार चाललेला दिसला. दौडमध्ये वैभव शिवणे,अमय भोसले,अक्षय पोवार, नेताजी आगम, ओंकार डावरे, समीर पाटील, सुभाष कासारकर, शाम यादव, पिंटू कारेकर, सचिन मोकाशी, जयप्रकाश सावंत, अभिजित रेळेकर, सर्वेश माने, श्रीजित शिंत्रे, सृष्टी बिजगर्णी, शुभम बागलकोटी, समर्थ नडगदल्ली, पंकज मुळे, संजय पचंडी, बबलू मुडशी, श्रध्दा सावंत, संकल्पिका पोवार, मोहिनी पोवार, वैष्णवी मुळे, कार्तिकी मुळे, शैलजा शिंत्रे, अजित स्वामी, युवक युवती मोठ्या संख्येने सहभागी झाले होते. दौडची सांगता श्री विठ्ठल मंदिर येथे प्रेरणा मंत्रांने करण्यात आली. दौडीने श्री शंकराचार्य संस्थान मठ, श्री महालक्ष्मी मंदिर, चाटे गल्ली, मड्डी गल्ली, अंकले रस्ता, निडसोसी रस्ता, शंकर नगर, समर्थ नगर, डॉ. पाटील इस्पितळ ते श्री विठ्ठल मंदिर असा मार्गाक्रम केला.