मुरगोडजवळ घर कोसळून आई आणि मुलाचा मृत्यू

बेळगाव : मुसळधार पावसामुळे महादेव लक्षमप्पा बागिलद यांचे घर कोसळून बालक प्रज्वल (५) आणि आई यल्लवा महादेव बागिलद (४०) यांचा मृत्यू झाल्याची हृदयद्रावक घटना यरगट्टीजवळील माडमगेरी गावात घडली.
घटनास्थळी तहसीलदार महांतेश मठद, सीपीआय मौनेश्वर मालीपाटील, पीएसआय बसनगौडा नेर्ली, एएसआय वाय. एम. कटगोळ तसेच महसूल विभागाच्या अधिकाऱ्यांनी भेट देऊन तपासणी केली असून याप्रकरणी मुरगोड पोलिस ठाण्यात गुन्हा दाखल करण्यात आला आहे.