वड्डरवाडी परिसरात मूलभूत सुविधा उपलब्ध करून देण्याची मागणी

बेळगाव : शहरातील वड्डरवाडी परिसरात पायाभूत सुविधा उपलब्ध करून देण्याची मागणी करून सोमवारी डॉ. आंबेडकर क्रांती युवा वेदिकेच्या वतीने निषेध करत महापालिका आयुक्तांना निवेदन दिले.
वड्डरवाडी परिसरात गेल्या 25 वर्षांपासून दोन हजारांहून अधिक लोक राहत आहेत. आम्हाला कोणत्याही प्रकारच्या मूलभूत सुविधा पुरविल्या जात नसल्याबद्दल त्यांनी निवेदनाद्वारे नाराजी व्यक्त केली आहे. यावेळी महेश गाडीवड्डर यांनी सांगितले की, आमच्या भागात मूलभूत सुविधा नाहीत.
योग्य रस्ते, गटारे, पिण्याच्या पाण्याविना येथील जनता त्रस्त आहे, अशी परिस्थिती निर्माण झाली आहे. येथील नागरिक आजाराने त्रस्त आहेत. यासाठी आम्ही अनेकदा लढा देऊनही काही उपयोग झाला नाही. आठवडाभरात वड्डरवाडी परिसराला मूलभूत सुविधा न दिल्यास तीव्र संघर्ष छेडण्यात येईल, असा इशारा दिला.
यावेळी इराप्पा निप्पाणीकर, संजय खनगावकर, परशुराम गाडीवड्डर, रवी दोडमणी आदी उपस्थित होते.