केएसआरटीसी बस- कार यांच्यात भीषण अपघात; पाच जण गंभीर जखमी

कागवाड : कागवाड तालुक्यातील ऊगार बुद्रुक गावाजवळ केएसआरटीसी बस आणि कार यांच्यात झालेल्या भीषण अपघातात पाच जण गंभीर जखमी झाल्याची घटना आज घडली.
सदर घटना मिरज-जमखंडी राज्य महामार्गावर घडली असून या अपघातात कारमधील पाच जण गंभीर जखमी झाले आहेत. जखमींना महाराष्ट्रातील मिरज रुग्णालयात दाखल करण्यात आले असून पाच जणांची प्रकृती चिंताजनक आहे.
कारमधील प्रवासी कोल्हापुरातील महालक्ष्मी मंदिराकडे जात असल्याची माहिती मिळाली आहे. याप्रकरणी कागवाड पोलिस ठाण्यात गुन्हा दाखल करण्यात आला आहे.