हिंडलगा कारागृहावर पोलिसांचा अचानक छापा

बेळगाव : बेळगाव येथील हिंडलगा कारागृहावर पोलीस अधिकाऱ्यांनी अचानक छापा टाकून तपासणी केली आहे.
डीसीपी रोहन जगदीश यांच्या नेतृत्वाखाली छापा टाकण्यात आला असून डीसीपीला बेळगावच्या 5 विभागाचे एसीपी, सीपीआय यांचे सहकार्य लाभले आहे. हिंडलगा कारागृहात अनियमिततेचे आरोप झाल्यानंतर हा छापा घालण्यात आल्याचे सांगण्यात येत आहे.
कारागृहातील अवैध धंदे रोखण्यासाठी पोलिसांनी अचानक धडक कारवाई सुरू केली असून, सकाळपासूनच कारागृहात पोलिसांकडून तपासणी सुरू आहे.