बेळगावात २४.०२ तर चिक्कोडीत २७.२३ टक्के मतदान

 

बेळगाव : बेळगाव लोकसभा मतदारसंघात सकाळी ११ वाजेपर्यंत २४.०२ टक्के तर चिक्कोडीत २७.२३ टक्के मतदान झाले आहे. बेळगाव लोकसभा मतदारसंघातील बेळगाव शहर परिसरात विविध ठिकाणी मतदान केंद्रावर सकाळपासूनच मतदारांनी मतदानाला सुरुवात केली आहे. मतदारांनी मतदानासाठी सर्वत्र उत्स्फूर्त प्रतिसाद दर्शविला आहे.
वाढत्या उन्हामुळे वयोवृद्ध तसेच महिलांना मतदान केंद्राकडे जाण्यास त्रास होत आहे. महाद्वार रोड येथील समिती कार्यकर्ते प्रवीण रेडकर यांनी रोड परिसरातील वृद्ध महिलांना त्यांच्या घरापासून ते मतदार केंद्रांपर्यंत स्वतःच्या दुचाकीवरून घेऊन जाऊन मतदान करून घेतले.