पंढरपूर येथे बेळगावच्या तरुणाचे निधन

बेळगाव : वडगाव सोनार गल्लीमधील एका तरुणाचे पंढरपूरमध्ये हृदयविकाराच्या धक्क्याने निधन झाले. सदर घटना बुधवारी (दि. १७) सकाळी दहा वाजता घडली. प्रवीण सुतार असे त्यांचे नाव आहे. याबाबत मिळालेली अधिक माहिती अशी, प्रवीण वडगाव परिसरातील वारकऱ्यांना घेऊन आपल्या वाहनातून पंढरपूर येथे दर्शनासाठी गेले होते. सकाळच्या सत्रात आपली कामे आटोपून ते आपल्या पार्क केलेल्या वाहनात बसले होते. यादरम्यान त्यांचे हृदयाघाताने निधन झाले. वारकरी दर्शन संपवून पार्क केलेल्या वाहनाकडे आल्यानंतर त्यांना हा प्रकार निदर्शनास आला. या घटनेने वडगाव परिसरातील वारकऱ्यांवर शोककळा पसरली.