तलाठ्याच्या गाडीत सापडले १ कोटी दहा लाख रुपये..

बेळगाव : एक तलाठी आपल्या कारमध्ये 1 कोटी 10 लाख रुपये घेऊन जात असताना पोलिसांनी छापा टाकून कागदोपत्री नोंद नसलेली रक्कम जप्त केली.

बेळगाव जिल्ह्यातील रामदुर्ग तालुक्यातील हलगट्टी चेकपोस्टजवळ पोलिसांनी ग्राम लेखापालाची गाडी अडवली असता त्यांना तलाठ्याच्या गाडीत रुपये सापडले व ते जप्त केले.

निपाणी तालुक्यातील ग्राम लेखापाल असलेल्या विठ्ठल ढवळेश्वर यांच्या गाडीत ही रक्कम आढळून आली सदर रक्कम बेळगावातून बागलकोटला नेण्यात येत असल्याची माहिती समोर आली आहे. रामदुर्गचे डीवायएसपी एम. पांडुरंग यांच्या नेतृत्वाखाली ही कारवाई करण्यात आली.

ही घटना रामदुर्ग पोलिस ठाण्याच्या हद्दीत घडली असून ही रक्कम कोणाची आहे याचा तपास अधिकारी करत आहेत.