महिलांनी आर्थिक विकास करणे गरजेचे

बेळगाव : साई कॉलनी, आनंदनगर वडगाव येथील श्री साई महिला मंडळाने महिला दिन साजरा केला. याप्रसंगी डॉ. अनुपमा चंद्रशेखर धाकोजी व सौ. अनिता दत्ता कणबर्गी यांचा सत्कार करण्यात आला.
यावेळी डॉ. धाकोजींनी रजोनिवृत्ती आणि काळजी याविषयी माहिती दिली आणि स्त्रियांना वयानुसार होणारे बदल आनंदाने स्वीकारण्यास सांगितले. ही प्रक्रिया सुलभ व्हावी म्हणून हा विषय कुटुंबातच बोलला गेला पाहिजे, असेही त्याने यावेळी सांगितले. तसेच पती आणि मुलांनी तिच्या संगोपनात भाग घेतला पाहिजे. असे सांगून सर्वाना मार्गदर्शन केले.
यावेळी अनिता दत्ता कणबर्गी यांनी महिलांच्या आर्थिक स्वातंत्र्याचे महत्त्व सांगितले. तसेच आपण आपल्या मुलाचे संगोपन करतो त्याचप्रमाणे आपला आर्थिक विकास करा. आर्थिक आरोग्यालाही तितकेच महत्त्व देणे आवश्यक आहे. महिला बचतीसाठी उपलब्ध असलेल्या विविध योजना, याबाबत त्यांनी चर्चा केली.
याप्रसंगी श्रीमती पद्मा बांदिवडेकर (श्री साई महिला मंडळाच्या अध्यक्षा), श्रीमती ज्योती धामणेकर (श्री साई महिला मंडळाच्या उपाध्यक्षा) यांनीही मंचावर सहभाग घेतला. सौ.सुजाता बेकवाडकर व दीप्ती बदादले यांनी स्वागत गीत गायले. सौ. रूपा घाडी व सौ. प्रज्ञा देसाई यांनी पाहुण्यांचा परिचय करून दिला, सौ. सरोज घाडी यांनी आभार मानले, सौ. शैला रायकर यांनी सूत्रसंचालन केले. श्री साई महिला मंडळ व साई कॉलनीच्या सर्व महिला उपस्थित होत्या.