गोकाक येथे घराची भिंत कोसळून महिलेचा मृत्यू

बेळगाव : बेळगाव जिल्ह्यात सुरू असलेल्या मुसळधार पावसामुळे गोकाक शहरात घराची भिंत कोसळून एका महिलेचा मृत्यू झाला. या घटनेत दोन जण गंभीर जखमी झाले आहेत. फरिदाबानू शकीलअहमद कानवाड वय ५० असे मृत महिलेचे नाव आहे.

ही घटना आज सकाळी घडली. गंभीर जखमींना उपचारासाठी सरकारी रुग्णालयात दाखल करण्यात आले आहे. गोकाक तहसीलदारांनी घटनास्थळाची पाहणी केली आहे.