संजीवीनी फाउंडेशनमध्ये कार्तिकोत्सव कार्यक्रम उत्साहात आणि भक्तिपूर्ण वातावरणात साजरा

बेळगाव : आदर्शनगर येथील संजीवीनी फाउंडेशनमध्ये नुकताच कार्तिकोत्सव कार्यक्रम मोठ्या उत्साहात आणि भक्तिपूर्ण वातावरणात पार पडला. या सोहळ्यानिमित्त संपूर्ण परिसरात ११११ दिव्यांची आकर्षक आरास करण्यात आली होती, ज्यामुळे एक मनमोहक आणि प्रकाशमय वातावरण निर्माण झाले होते.
कार्तिक महिना हा दिव्यांचा महिना मानला जातो आणि या परंपरेनुसार संजीवीनी फाउंडेशनतर्फे दरवर्षीप्रमाणे दीपोत्सवाचे आयोजन करण्यात आले होते. या कार्यक्रमात फाउंडेशनच्या सदस्यांनी हितचिंतकांनी आणि कर्मचाऱ्यांनी मोठ्या प्रमाणात सहभाग घेतला.
फाउंडेशनच्या आवारात आणि परिसरात ११११ दिवे लावून आकर्षक सजावट करण्यात आली होती. दिव्यांच्या या रोषणाईने संपूर्ण परिसर उजळून निघाला होता.
दिव्यांच्या सजावटीसोबतच, कर्मचाऱ्यांनी विविध प्रकारच्या आकर्षक रांगोळ्या काढल्या होत्या, ज्यांनी कार्यक्रमाची शोभा आणखी वाढवली.
यावेळी श्री महालक्ष्मी आणि श्री परमज्योती अम्मा भगवान यांची पूजा करून भजनसंकीर्तन आयोजीत करण्यात आले होते, ज्यामुळे संपूर्ण वातावरण भक्तिमय झाले होते.
कार्तिकोत्सवाचे उदघाटन जेष्ठ नागरिक सौ. सुरेखा आणि बाबुराव बामणे यांच्या हस्ते दीप प्रज्वलन करून करण्यात आले
यावेळी चेअरमन मदन बामणे, संस्थापिका डॉ. सविता देगीनाळ, रेखा बामणे, विद्या सरनोबत, संजय पाटील, प्रीती चौगुले, डॉ सुरेखा पोटे, आश्रय फाऊंडेशनच्या सफला नागरत्ना, रेणू लोखंडे, डॉ मधुरा गुरव, प्रियांका राठोड व इतर शुभचिंतक फाउंडेशनचे कर्मचारी यांनी एकत्रितपणे या उत्सवात सहभाग घेऊन सामाजिक सलोख्याचे उत्तम उदाहरण दिले.
संजीवीनी फाउंडेशनच्या या उपक्रमामुळे धार्मिक परंपरा जपली गेली, तसेच उपस्थित सर्वांना एक वेगळाच आनंद आणि समाधान लाभले.