Belgaum Varta Belgaum Varta
खानापूर (प्रतिनिधी) : खानापूर शहरातील नगरपंचायतींच्या वार्ड नंबर २ मधील मिशन कंपाऊंड वस्तीत रस्ता, पथदिवे, पाणी, गटारी आदी विकास कामासंदर्भात नगरसेवक तोहिद चाखंदणावर याच्या नेतृत्वाखाली बैठकीचे आयोजन शनिवारी दि. २४ रोजी करण्यात आले.
खानापूर शहरातील नगरपंचायतीला लागुन असलेल्या वार्ड नंबर २ च्या मिशन कंपाऊंड वस्तीत पिण्याच्या पाण्याची व्यवस्था, रस्त्याची डागडुजी, वार्डातील पथदिवे, आदी समस्या नगरसेवक तोहिद चाखंदणावर यांनी जाणून घेऊन सोडवाव्या, अशी मागणी बैठकीत केली.
यावेळी नगरसेवक तोहिद चाखंदणावर यांनी सरकारकडून आलेल्या निधीसाठी आमदार विठ्ठलराव हलगेकर यांच्या सहकार्याने प्रयत्न करून या वार्ड नंबर २ मशीन कंपाऊंड वस्तीत विकास साधु असे आश्वासन यावेळी त्यांनी दिले.
यावेळी राजेंद्र रायका यांनी प्रास्ताविक करून उपस्थितांचे स्वागत केले.
जयप्रकाश बालकट्टी, अमित अयंगार, अजित साईल, श्री. कुंभार आदी मिशन कंपाऊंड वस्ती बदल विचार मांडले व समस्या कायमस्वरूपी दुर करण्याबद्दल चर्चा केली.
