खानापूर (प्रतिनिधी) : गर्लगुंजी (ता. खानापूर) गावची प्रसिद्ध ग्राम देवता श्री माऊली देवीची यात्रा मंळवारी दि. १० ते शुक्रवारी दि. १३ पर्यंत होणार आहे.
मंगळवारी दि. १० रोजी सकाळी गावातील विविध देवदेवतांची पुजा आर्चा होऊन सायंकाळी ४ वाजता मानकऱ्यांच्या देवघरातून पालखी वाद्याच्या नादात माऊली मंदिराकडे प्रयाण केले.
यावेळी माऊली देवीला अभिषेक, विधिवत पुजा, मानकऱ्यांच्या हस्ते गाऱ्हाणा घालून यात्रेची सुरूवात होते.
बुधवारी दि. ११ रोजी पहाटे सुवासिनी गावातून आरती घेऊन माऊली मंदिराकडे जातात. श्री माऊली देवीची पुजाऱ्यांच्याहस्ते विधिवत पुजा होऊन सकाळी सुवासिनीच्या इंगळ्या न्हाण्याच्या कार्यक्रमाला प्रारंभ होतो. त्यानंतर भाविक माऊली देवीचे दर्शन घेऊन ओटी भरतात व नवस फेडतात. त्यानंतर भाविकांना महाप्रसादाचे आयोजन केले जाते.
बुधवारी रात्री ९ वाजता करमणूकीचे कार्यक्रम म्हणून माऊली नाट्यमंडळ यांच्यावतीने सुडाची आग हा सामाजिक नाट्यप्रयोग सादर करण्यात येणार आहे.
गुरूवारी दि. १२ रोजी भाविकांच्या करमणूकीचे कार्यक्रम सादर करण्यात येणार आहेत.
तर शुक्रवारी दि. १३ रोजी श्री माऊली देवीच्या यात्रेची सांगता होऊन सायंकाळी पालखी वाद्याच्या नादात गावाकडे प्रयाण होईल.
Check Also
खानापूर येथे उद्यापासून राज्यस्तरीय कुस्ती स्पर्धा
Spread the love बेळगाव : तोपीनकट्टी श्री महालक्ष्मी ग्रुप एज्युकेशन सोसायटीच्या शांतिनिकेतन पदवीपूर्व महाविद्यालयाच्या प्रांगणात …