खानापूर जांबोटी क्राॅसवर भरदिवसा पथदीप सुरूच

खानापूर (प्रतिनिधी) : खानापूर शहरातील जांबोटी क्राॅसवरील खानापूर जांबोटी महामार्गावर शुक्रवारी दि. १८ रोजी भरदिवसा पथदिप सुरूच होते.
एकीकडे हेस्काॅम खात्याचे वीज बचत करण्याचे आवाहन करते. वेळेत बील भरले नाही. तर वीजपुरवठा बंद करते. मात्र भर दिवसा शहारातील वर्दळीच्या ठिकाणी विद्युत खांबावर दिवसा पथदिप सुरूच असतात. असाच प्रकार मागील चार दिवसापूर्वी दिसून आला होता. तेव्हा खानापूर शहरात वारंवार भर दिवसा पथ दिप सुरूच ठेवून वीजेचा दुरूपयोग करू नये, अशी मागणी सामान्य जनतेतून होत आहे.
याकडे संबंधित हेस्काॅम खात्याने तसेच नगर पंचायतीने गांभिर्याने लक्ष देऊन भरदिवसा पथ दिप सुरू ठेवणे कटाक्षाने टाळावेत. याकडे संबंधित अधिकारी वर्गाचे लक्ष असणे गरजेचे आहे.