हुतात्मा स्मारकाजवळील जागेच्या व्यवसायिक वापराची परवानगी रद्द

नगरपालिकेचा पत्राद्वारे खुलासा ; माजी नगरसेवक दिलीप पठाडे यांची माहिती

निपाणी (वार्ता) : तंबाखू आंदोलनातील हुतात्मा स्मारकाजवळील जमिनीच्या ले-आउटमध्ये नागरी सुविधा आणि उद्यानासाठी एक जागा राखीव आहे. ले-आउटमध्ये सुधारणा करून त्यामध्ये निवासी भूखंड बांधण्यात येत आहे. त्याला नगरसेवकांनी विरोध केला असून सुधारित ले-आउट रद करण्याची मागणी निवेदनाद्वारे केली होती. त्याची नगरपालिका प्रशासन आणि नगर रचना विभागाने दखल घेऊन आर.एस. क्रमांक १४३ मधील बहु-भाडेकरू व्यावसायिक इमारतीच्या व्यावसायिक उद्देशांसाठी तात्पुरत्या डिझाइन योजना रद्द केल्याचे पत्र नगरपालिकेने माजी नगरसेवक दिलीप पठाडे व इतर नगरसेवकांना दिले आहे.
दिलीप पठाडे यांनी दिलेली माहिती अशी, नगरपालिकेच्या अधिकारक्षेत्रात येणाऱ्या आर.एस. क्रमांक १४३ मधील ६ एकर २८ पैकी बेळगाव उपायुक्तांनी यांनी २७/१२/१९८६ रोजी अधिकृत निवेदन क्रमांक आर.बी./एलएनए/एसआर-१/२५९३/६९ द्वारे आदेश जारी करून जमीन व्यावसायिक कारणांसाठी जमिनीत रूपांतरित केली आहे. पण नगररचना विभागाने औद्योगिक कारणांसाठी डिझाइनला मान्यता दिली होती. सरकारने मंजूर केलेल्या मास्टर प्लॅनमध्ये देखील ती उद्योगांसाठी राखीव ठेवण्यात आली आहे. डिझाईन प्लॅनचे औद्योगिक वापरातून व्यावसायिक वापरात रूपांतर करण्यासाठी नगरपालिकेने कोणतेही ना हरकत प्रमाणपत्र दिलेले नाही. सदर जमीन नगररचना विभागाच्या संचालकांनी औद्योगिक वापरासाठी मंजूर केली आहे. सरकारने मंजूर केलेल्या मास्टर प्लॅनमध्ये ती उद्योगासाठी राखीव देखील ठेवण्यात आली आहे. परंतु औद्योगिक वापरासाठी राखीव असलेली जमीन व्यावसायिक वापरासाठी बदलायची असेल तर सरकारकडून मान्यता घेणे आवश्यक आहे. म्हणून सदर जमिनीला देण्यात आलेली तात्पुरती डिझाईन प्लॅन मंजुरी स्थगित करण्याची विनंती केली होती.
निवासी भूखंडासाठी नगरपालिकेने १० जानेवारी २०२४ रोजी नगरपालिका आयुक्ताना आनंद सोलापूरकर यांनी ‘ना हरकत’केल्याचे सांगितले होते.
वरील बाबी आणि संदर्भासंदर्भात बेळगावच्या उपायुक्तानी २७/१२/१९८६ रोजीच्या अधिकृत निवेदनक्रमांक आरबी/एलएनए/एसआर-१/२५९३/६९ द्वारे नगरपालिकेच्या अखत्यारीतील आर.एस क्रमांक १४३ मधील ६ एकर २८ पैकी ३ एकर १८ गुंठे जमीन व्यावसायिक कारणांसाठी रूपांतरित करण्याचे आदेश दिले होते. नगररचना विभागाच्या संचालकांनी औद्योगिक वसाहतीच्या उद्देशाने डिझाइनला मान्यता दिली. सरकारने मंजूर केलेल्या मास्टर प्लॅनमध्ये ती उद्योगांसाठी राखीव ठेवण्यात आली.
म्हणून सदर जमिनीला मंजुरी देण्यात आलेली तात्पुरती डिझाईन प्लॅन मंजुरी स्थगित करण्यात आल्याचे पत्र पाठवल्याचे सांगण्यात आले‌. यावेळी नगरसेवक रवींद्र शिदे, दत्ता नाईक, शौकत मनेर, विनायक वडे, संतोष माने, शेरू बडेघर, संजय पावले, अनिता पठाडे, राणी शेलार, दीपाली गिरी, शांती नावंत, उपासना गारवे उपस्थित होते.