अंकुरम शाळेत ‘कमवा आणि शिका’चा उपक्रम

विद्यार्थ्यांनी बनवल्या दिवाळीचे साहित्य : खरेदीसाठी ग्राहकांचा प्रतिसाद
निपाणी (वार्ता) : कोडणी – निपाणी येथील अंकुरम इंग्लिश मिडियम स्कूलमध्ये ‘कमवा आणि शिका’ या उपक्रमांतर्गत मुलांना खास दिवाळी निमित्त विविध आकर्षक वस्तू बनवून गुरुवारच्या आठवडी बाजारात त्यांची विक्री केली त्याला ग्राहकांचा चांगला प्रतिसाद लाभला. शाळेच्या या उपक्रमाचे शहर आणि परिसरातून कौतुक होत आहे.
अलीकडच्या काळात सर्वच पालक आपल्या मुलांना शैक्षणिक शुल्क, विविध साहित्य आणि इतर गोष्टीची पूर्तता करून त्यांना शिक्षण देत आहेत. मात्र पूर्वीच्या काळी कर्मवीर डॉ. भाऊराव पाटील यांनी आपल्या शिक्षण संस्थेमध्ये ‘कमवा आणि शिका’ हा उपक्रम राबवला होता. त्याचीच प्रेरणा घेऊन अंकुर इंग्लिश मीडियम स्कूलमध्ये यंदा प्रथमच दिवाळीनिमित्त आकाश कंदील, पणत्या व इतर साहित्य विद्यार्थ्यांनी तयार केले होते. मुख्य बाजारपेठेतील कोठीवाले कॉर्नर जवळील महावीर सेवा केंद्र परिसरात या विद्यार्थ्यांनी दिवाळी साहित्याचे स्टॉल मांडले होते. ‘शिका व कमवा’ या संकल्पने अंतर्गत स्टॉलचे आयोजन करण्यात आले होते.
विद्यार्थ्यांना पैशाचे महत्त्व कळावे, व्यवहारिक ज्ञान व मुलांच्या चौकस बुद्धिचा विकास होण्याच्या हेतूने हा उपक्रम राबविण्यात आला. शिक्षकांच्या मार्गदर्शनाखाली मुलांनी विविध प्रकारच्या आकर्षित पणत्या, आकाश दिवे, कुंदन, रांगोळ्या, आयुर्वेदिक सुगंधी उटणे बनविले होते. यासाठी लागणारे सर्व साहित्य व योग्य मार्गदर्शन शाळेतर्फे मुलांना देण्यात आले होते.
सकाळी १० वाजता मुले व शाळेतील मुख्यापिका चेतना चौगुले बाजारपेठेत कोठिवाले कॉर्नर येथे दाखल झाले स्टॉलचे उद्घाटन महावीर सेवार्थ दवाखान्याचे अध्यक्ष प्रकाश शहा, सुनीता शहा यांच्या हस्ते करण्यात आले. मुलांनी वस्तूंच्या विक्रीसाठी उत्साह दाखवत व्यावहारिक ज्ञानही संपादन केले. बाजारपेठेतील अनेक नागरिकांनी खरेदीसाठी दिवसभर गर्दी केली होती. अंकुरम शंस्नेश- मिडियम स्कूलच्या या प्रात्यक्षिक उपक्रमांचे सर्वत्र कौतुक झाले.
उपक्रम यशस्वी करण्यासाठी शिक्षक मारुती महाजन, भाग्यश्री शिंदे, शितल पाटील, स्वाती पठाडे, पूजा वसेदार, ज्योती चवई, सपना रोडण्णावर, शिल्पा तारळे, ओसिया शहा, निकिता ऐवाळे, माधुरी लोळसुरे, नाझनीन होसूरे, अर्पिता कुलकर्णी, मुख्याध्यापिका चेतना चौगुले, अमर चौगुले यांचे सहकार्य लाभले.