Belgaum Varta Belgaum Varta
बेळगाव : बेळगाव जिल्हा शरीरसौष्ठव असोसिएशन व मेणसे फिटनेस क्लब येळ्ळूर यांच्यावतीने रविवारी (दि.१) सायंकाळी ५ वा. गोरल क्लासिक येळ्ळूर ही जिल्हास्तरीय शरीरसौष्ठव स्पर्धा संयुक्त महाराष्ट्र चौक, गोरल गल्ली, येळ्ळूर येथे आयोजित करण्यात आली आहे. यावेळी ग्रामपंचायत पातळीवरील येळ्ळूर क्लासिक टॉप ५ आणि जीम स्तरीय मेणसे फिटनेस टॉप टेन या स्पर्धाही होणार आहेत. जिल्हास्तरीय स्पर्धेतील किताब विजेत्याला ५,५५५ रुपये तर बेस्ट पोझरला एक हजार रुपये देण्यात येणार आहेत. ही स्पर्धा ५५, ६०, ६५, ७०, ७५, ८० व ८० वरील गटात होणार आहे. प्रत्येक गटातील पहिल्या पाच क्रमांक विजेत्यांन अनुक्रमे ३,०००, २,५००, २,०००, १,५००, १,००० रूपये अशी बक्षिसे दिली जाणार आहेत. अधिक माहितीसाठी अजित सिद्दण्णावर, सुनील राऊत, मयूर मेणसे, उमेश सांबरेकर यांच्याशी संपर्क साधावा.
